Formun açılış mərasimində Mangistau vilayətinin rəhbərliyi, Azərbaycan respublikasının Qazaxıstandakı Fövqəladə və Səlahiyyətli səfiri, həmçinin Qazaxıstan Respublikasının Azərbaycandakı Fövqəladə və Səlahiyyətli səfiri çıxış etmişlər. Biznes-forumda ARDNŞ-nin Ekologiya İdarəsinin rəisi Azər Əliyev “ARDNŞ-nin ekoloji fəaliyyət istiqamətləri” mövzusunda geniş təqdimatla çıxış etmişdir. Forum çərçivəsində Azərbaycan respublikası Dövlət Neft Şirkəti və Qazaxıstanın Aktau şəhərində fəaliyyət göstərən “Mangistaumunayqaz” Neft Şirkəti arasında əməkdaşlıq Memorandumu imzalanmışdır. Memorandumda birgə elmi tədqiqat və layihələndirmə, normativ hüquqi və normativ texniki sənədlərin mübadiləsi, seminar, konfrans, simpozium, forumlarda iştirak, neft hasilatı və ekoloji sahədə qabaqcıl texnologiyaların tətbiqi istiqamətində əməkdaşlıq nəzərdə tutulmuşdur.

   Biznes-forumda eyni zamanda, Azərbaycanda fəaliyyət göstərən şirkətlərin istehsal etdikləri məhsulların sərgisi də təşkil olunmuşdur. “Ekol Mühəndislik Xidmətləri” QSC fəaliyyət sahələrini əhatə edən maraqlı stendlə bu sərgidə iştirak etmiş və böyük maraqla qarşılanmışdır.

    Ezamiyyə müddətində QSC-nin nümayəndələri Qazaxıstanın “Mangistaumunayqaz” Səhmdar Cəmiyyətinin baş ofisində olmuş, Cəmiyyətin baş direktorunun birinci müavini Sun Sinyun, baş direktorun sosial və inzibati məsələlər üzrə müavini Askar Rzaxanov və digər rəhbər işçiləri ilə işgüzar görüş keçirilmişdir. Görüş zamanı tərəflər fəaliyyət sahələri və texniki imkanları barədə məlumat vermiş, “Mangistaumunayqaz” SC-nin istehsalat sahələrində uzun illər yığılıb qalmış neftşlamın bioremediasioyası və bu sahədə gələcəkdə birgə əməkdaşlıq məsələləri müzakirə edilmişdir. Qərara alınmışdır ki, işgüzar əlaqələr qurulması üçün belə görüşlərin mütəmadi keçirilməsinə zəruri ehtiyac vardır. QSC-nin nümayəndələri “Mangistaumunayqaz” SC-nin istehsalat əraziləri ilə də tanış olmuşlar.

   Qazaxıstanın Aktau şəhərində keçirilən və yüksək səviyyədə təşkil olunmuş biznes-forum və sərgi iştirakçılar arasında qarşılıqlı əməkdaşlıq münasibətlərinin qurulması və inkişaf etdirilməsi baxımından əhəmiyyətli olmuşdur.

    Aktau şəhərində keçirilən I biznes-forum və sərgini Azərbaycanın KİV də izləmişlər. QSC-nin baş direktorunun istehsalat üzrə müavini-texniki direktor Məzahir Hüseynov forum haqqında təəssüratlar və qazaxıstanlı həmkarları ilə əməkdaşlıq əlaqələri barədə Aztv kanalına müsahibə vermişdir.

    Dekabrın 10-da QSC-nin nümayəndə heyəti Bakıya qayıtmışdır.

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...