Dekabrın 18-də  “Ekol Mühəndislik Xidmətləri” QSC-nin təşəbbüsü, Nizami rayonu İcra Hakimiyyətinin dəstəyi və Yeni Azərbaycan Partiyası Nizami Rayon təşkilatı fəallarının iştirakı ilə, “Ekologiya ili” çərçivəsində  Nizami rayonunda  ağacəkmə aksiyası keçirilmişdir.

     Aksiyada Nizami rayonu İH-nin nümayəndələri, YAP Nizami rayon təşkilatının fəalları, QSC-nin rəhbərliyi və kollektivin nümayəndələri aktiv iştirak etmişlər. Aksiyada Nizami rayonu ərazisində yerləşən   Babək  prospektinin ətrafında 500 ədədə qədər şam və küknar ağacları əkilmişdir.

   Aksiyada iştirak edən Nizami rayon İcra Hakimiyyəti başçısının müavinləri,  İldırım Mehdiyev, Gülnaz İsrafilova və YAP Nizami Rayon təşkilatının sədri, millət vəkili Sədaqət Vəliyeva  “Ekol Mühəndislik Xidmətləri” QSC-nin bu təşəbbüsünü yüksək qiymətləndirmişlər. Baş direktoru Ramil Əliyev  “Ekologiya ili” çərçivəsində QSC- də  belə tədbirlərin mütəmadi keçirildiyini  və davam etdiriləcəyini rayon rəhbərliyinin və YAP sədrinin diqqətinə çatdırmışdır.

   Dekabrın 18-də QSC-nin digər istehsalat sahələrində də iməciliklər təşkil olunmuşdur.

tarix : 18.12.2010