“Ekol Mühəndislik Xidmətləri” QSC-də sənaye çirkab sularının təmizlənməsinin, neftşlamın emalı və zərərsizləşdirilməsinin, eləcə də parafinin təmizlənməsinin kəmiyyət və keyfiyyət göstəriciləri istifadə etdiyi mexaniki və avtomatlaşdırılmış qurğuların, mexanizmlərin fasiləsiz və saz vəziyyətdə işləməsindən xeyli dərəcədə asılıdır. Bununla əlaqədar olaraq, QSC-nin istehsalat sahələrində istismarda olan qurğu və mexanizmlərin fasiləsiz iş rejiminin təmin olunması üçün Elektromexanika sexinin kollektivi təmir, texniki nəzarət və profilaktika işlərinin vaxtlı-vaxtında yerinə yetirilməsini peşəkarlıqla həyata keçirirlər.
2010-cu ildə də Elektromexanika sexinin kollektivi mütəmadi olaraq QSC-nin istehsalat sahələrində kompleks tədbirlər həyata keçirmiş, təmizləyici, ötürücü və emal qurğularında cari və əsaslı təmir işlərinin aparılmasını və əlavə kommunikasiya xətlərinin çəkilişlərini keyfiyyətlə yerinə yetirmişlər. Qışa hazırlıq Tədbirlər Planı ilə əlaqədar QSC-nin istilik sistemlərində və elektrik təsərrüfatında təmir və profilaktika işləri vaxtında görülüb başa çatdırılmışdır.
Ötən il QSC-nin “Ekologiya İli” çərçivəsində həyata keçirdiyi ekoloji layihələrlə əlaqədar olaraq, Elektromexanika sexi layihə sahələrində də təmir quraşdırma işlərini layiqincə yerinə yetirmişdir. “Balaxanıneft” NQÇİ-nin Kürdəxanı mədən ərazisində istismarda olan 2 ədəd “Börger” nasoslarında təmir işləri aparılmış, Z.Tağıyev adına NQÇİ-nin mədən ərazisindəki layihə sahəsinin çəpərlənməsi üçün 765 ədəd 1.8 X 1.6 ölçüdə çərçivələr və dayaqlar, eləcə də Böyük-Şor sahəsinə çəkilən 35 ədəd 12 metrlik plastik borular üçün fləns birləşmələri hazırlanaraq yerində quraşdırılmışdır.
Texnoloji proseslərin təkmilləşdirilməsi, sənaye çirkab sularının operativ qəbulu və ötürülməsi məqsədilə, QSC 2010-cu ilin dekabr ayında mühərrikinin gücü 110 kv, 1750 dövrlü Rusiya istehsalı olan 5 ədəd VAO-8280 tipli (2D 2000-21 AYXL) nasoslar almışdır. Elektromexanika sexi ötən ay həmin nasoslardan birini Tullantıların emalı departamentinin 6-ci sahəsində (H.Əliyev adına BNEZ-nun 9-cu sexi) quraşdırmış, ikincisi isə 7-ci sahənin (“Azərneftyağ” NEZ) ərazisində quraşdırılaraq istismara verilmişdir. Digər nasosların istehsalat sahələrində quraşdırılıb istismara verilməsi üçün hazırlıq işləri görülür.
QSC-nin Elektromexanika sexi istehsalatda texnoloji proseslərin fasiləsizliyinin təmin edilməsi məqsədilə məqsədli tədbirlərin görülməsi istiqamətində fəaliyyətini davam etdirir.
tarix : 14.01.2011
|