“Ekol Mühəndislik Xidmətləri” QSC-nin istehsalat sahələrində texniki təhlükəsizliyin təmin olunması və qəza hallarının baş verməməsi üçün mütəmadi olaraq məqsədyönlü tədbirlər həyata keçirilir, işçilərin əməyin mühafizəsi, təhlükəsizlik texnikası və yanğından mühafizəsi üzrə biliklərinin artırılması istiqamətində mühüm işlər görülür.
Bu tədbirlərin davamı olaraq, QSC-nin Texniki təhlükəsizlik şöbəsi 14-19.01.2011-ci il tarixlərində Elektromexanika sexinin, İnzibati təsərrüfat şöbəsinin, Nəqliyyat sexinin, Tullantıların emalı departamentinin 6-cı, 7-ci və 8-ci sahələrinin işçilərinə Azərbaycan Respublikası Fövqəladə Hallar Nazirliyi Dövlət Yanğından Mühafizə Hissəsinin Neftayırma Müəssisələri Üzrə Yanğından Mühafizə Dəstəsinin təsdiq etdiyi dərs qrafikinə uyğun olaraq növbəti nəzəri və praktiki məşğələlər keçirmişdir.
Nəzəri və praktiki məşğələlərdə işçilərə yanğın zamanı ilkin yanğınsöndürmə vasitələrindən və yarımavtomatik köpüklə yanğınsöndürmə sistemindən istifadə qaydaları öyrədilmiş və praktik olaraq nümayiş etdirilmişdir.
Tədbirdə Azərbaycan Respublikası Fövqəladə Hallar Nazirliyinin DYMX-nin NM üzrə YMD –nin 18 saylı YMH-nin inspektoru D/X kapitanı R.Şeyxzadə və 13 saylı YMH-nin baş inspektoru D/X mayoru Ş.Abdıyev iştirak etmişlər.
QSC-nin Texniki təhlükəsizlik şöbəsi istehsalat sahələrində texniki təhlükəsizlik tədbirlərini davam etdirir.
tarix : 24.01.2011
|