2010-cu il Azərbaycanın müasir tarixində bir çox əlamətdar hadisələrlə yadda qaldı. Ekologiyanın, ətraf mühitin qorunması istiqamətində də çox mühüm hadisələr baş verdi. Ən əsası, ölkə başçısı İlham Əliyev cənablarının Fərmanı ilə “Ekologiya ili” elan olunması nəticəsində, ötən il ətraf mühit problemlərinin həlli sahəsində həyata keçirilən böyük layihələrlə tarixə düşdü. Prezident İlham Əliyevin rəhbərliyi altında ölkəmizdə ətraf mühit və ekoloji tarazlığın qorunması istiqamətində geniş miqyaslı dövlət proqramları, iri maliyyə tutumlu layihələr həyata keçirilməyə başlandı.
Bütün bu hadisələr fonunda “Ekol Mühəndislik Xidmətləri” QSC-də 2010-cu ildə, “Ekologiya ili” çərçivəsində respublikamızın ərazisində, xüsusilə Abşeron yarımadasında ekoloji vəziyyətin yaxşılaşdırılması sahəsində bir sıra uğurlu prioritet layihələr həyata keçirmiş və ətraf mühitin mühafizəsinə öz layiqli töhfəsini vermişdir. QSC-nin bu fəaliyyəti hər zaman olduğu kimi ötən il də respublikamızın KİV-nin diqqət mərkəzində olmuşdur.
2010-cu ildə QSC-nin həyata keçirdiyi aktual ekoloji layihələr barədə “İki sahil” qəzetində 24, “Respublika” qəzetində 9, “Xalq” qəzetində 1, “Caspian Energy” jurnalında 3, “Business Time” jurnalında 2, “Contact” jurnalında 1, “Consaltinq and Business” jurnalında 1 və “İmpact Azerbaijan” jurnalında 1 məqalə dərc edilmişdir.
Ötən il “Ekol Mühəndislik Xidmətləri” QSC-nin www. ekol.az rəsmi saytında QSC-nin fəaliyyət sahələrini əhatə edən 126-dan çox informasiya yerləşdirilmişdir. Prioritet fəaliyyət sahələri haqqında informasiyalar 1NEWS.az, Azər Tac, Trend.az, www.oil-exchange.com və digər rəsmi internet saytlarında da öz əksini tapmışdır.
İl ərzində, respublikamızın AzTV, ANS, “Xəzər TV” və ATV kanallarında QSC-nin fəaliyyət sahələrini əks etdirən animasiya filmləri və video çarxlar mütəmadi olaraq nümayiş etdirilmişdir.
2010-cu ildə fəaliyyəti KİV tərəfindən yüksək qiymətləndirilən “Ekol Mühəndislik Xidmətləri” QSC, “Ekologiya İli” çərçivəsində həyata keçirdiyi aktual ekoloji layihələrə, eləcə də ekoloji vəziyyətin yaxşılaşdırılması istiqamətində gördüyü işlərə görə, “İlin Ekologiya Şirkəti” nominasiyası üzrə “Caspian Energy Award -2010” mükafatına, 2010-cu ildə aktual ekoloji layihələrə və iqtisadi səmərəli fəaliyyətinə görə isə, “BUSINESS TIME” jurnalının ekologiya sahəsində “İlin Şirkəti” nominasiyası üzrə “AZERI BUSINESS AWARD” mükafatına layiq görülmüşdür.
“Ekol Mühəndislik Xidmətləri” QSC ictimai əlaqələrinin genişləndirilməsi istiqamətində tədbirlərini davam etdirir.
tarix : 07.02.2011
|