|
“Ekol Mühəndislik Xidmətləri” QSC texnoloji proseslərin təkmilləşdirilməsi, zərərli tullantıların ətraf mühitə təsirinin minimuma endirilməsi və səmərəliliyin artırılması məqsədilə, dünyanın qabaqcıl texnika və texnologiyalarını istehsalata tətbiq edilməsi və bu sahədə tanınmış şirkətlərlə əməkdaşlıq münasibətlərinin genişləndirilməsi sahəsində ardıcıl tədbirlər həyata keçirir.
QSC-nin ətraf mühitin mühafizəsi sahəsindəki önəmli tədbirlərdən biri də neftin hasilatı və emalı proseslərində formalaşan və ətraf mühitin çirklənməsində əsas mənbələrdən olan neftşlamın müasir texnika və texnologiyalarla emalı və zərərsizləşdirilməsidir.
Bununla əlaqədar olaraq, QSC 2008-ci ildə İsveçin “Alfa-Laval” şirkətinin şlam emal edən 2 ədəd, məhsuldarlığı 30 m3/saat olan 2 fazalı dekantor qurğusu almışdır. Bu qurğulardan biri QSC-nin xidmət göstərdiyi Heydər Əliyev adına BNEZ-nun, digəri isə “Azərneftyağ” NEZ-nun ərazisində “Alfa-Laval” şirkətinin Türkiyə nümayəndəliyinin mütəxəssisləri tərəfindən quraşdırılaraq istismara verilmişdir.
Bu qurğuların istehsalata tətbiqi öz səmərəsini vermiş, atmosferə atılan zərərli maddələrin qarşısı xeyli dərəcədə alınmışdır. Qurğuların məhsuldar rejimdə işləməsi və yerli şəraitə uyğun təkmilləşdirilməsi məqsədilə, Türkiyəli mütəxəssislərlə mütəmadi olaraq məsləhətləşmələr aparılmış və qurğuların tam gücü ilə işləməsi təmin olunmuşdur.
QSC-nin baş ofisində Türkiyə mütəxəssisləri ilə növbəti işgüzar görüş keçirilmişdir. Görüşdə QSC-nin baş direktor Ramil Əliyev, baş direktorun istehsalat üzrə müavini-texniki direktor Məzahir Hüseynov, baş direktorun ümumi işlər üzrə müavini İsrafil Əliyevlə, “Alfa-Laval” şirkətinin Türkiyə nümayəndəliyinin texniki müdiri Tamer Gürsoytrak, baş satış mühəndisi Murat Yıldırım, satış mühəndisi Doğa Ersoy və “Alfa-Laval” şirkətinin Azərbaycan nümayəndəliyinin əməkdaşı Azər Əkbərzadə iştirak etmişlər.
Çörüşdə şirkətlər arasındakı əməkdaşlıq münasibətləri, “Alfa-Laval” şirkətinin 2 fazalı dekantor qurğusunun QSC-nin istehsalat sahələrinə tətbiq edildikdən sonra əldə edilən nəticələr və texniki məsələlər müzakirə olunmuşdur. Baş direktor Ramil Əliyev bu qurğuların istehsala tətbiqi ilə, Heydər Əliyev adına BNEZ-nu və “Azərneftyağ” NEZ-nin istehsalat sahələrimdə uzun illər yığılıb qalmış neftşlamın emalı və zərərsizləşdirilməsi sahəsində uğurlu və səmərəli nəticələrin əldə edilməsi barədə qonaqlara geniş məlumat vermişdir.
İştirakçılar bu görüşdən məmnun qaldıqlarını, belə işgüzar görüşlərin mütəmadi keçirilməsinin tərəflər üçün səmərəli olduğunu və gələcək əməkdaşlıq münasibətlərinə zəmin yaratdığını xüsusilə vurğulamışlar.
Türkiyəli mütəxəssislər QSC-nin istehsalat sahələrində də olmuş, “Alfa-Laval” şirkətinin 2 fazalı dekantor qurğularının iş rejimi və məhsuldarlığı ilə yaxından tanış olmuş, qurğuların texniki şərtlərə uyğun və səmərəli istifadə olunmasından razı qaldıqlarını bildirmişlər.
tarix : 21.02.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
