“Ekol Mühəndislik Xidmətləri” QSC-nin ekoloji layihələrinin uğurla  həyata keçirilməsi, xeyli dərəcədə ekoloji monitorinq işlərinin keyfiyyətlə yerinə yetirilməsindən və nəticələrin analitik təhlillərinin  müasir standartlara uyğun aparılmasından asılıdır. Bununla əlaqədar olaraq, Ekoloji monitorinq departamentinin və departamentin KTL-nın kadr potensialının və maddi texniki bazasının gücləndirilməsinə xüsusi diqqət yetirilir.

     2007-ci ildən etibarən Milli Sertifikatlaşma Sistemində akkreditasiyadan keçmiş və  öz fəaliyyətində İSO 14001 standartlarının  tələblərinə ciddi əməl etməklə,  KTL QSC-nin və “Sifarişçi” təşkilatların istehsalat sahələrindən götürülmüş  dəniz suyu, neftşlam, torpaq, sənaye-tullantı suları və s. nümunələrin analitik təhlillərini aparır.  Tədqiqat işləri müxtəlif  spektr və xarakterli olmaqla, nümunələrdə fiziki-kimyəvi göstəricilər, biogen maddələr, sintetik səthi aktiv maddələr, neft məhsulları, ümumi karbohidrogenlərin miqdarı, fenollar, oksigenə kimyəvi və bioloji  tələbat, ağır metallar və s. inqredientlər  təyin olunur. KTL-da həmçinin , neftlə çirklənmiş ərazilərin  bioremediasiyasının  daha effektiv getməsi üçün  təklif olunan  müxtəlif biopereparatlar üzərində laborator sınaq təcrübələri aparılır.
    Maddi-texniki bazanın daha da gücləndirilməsi və tədqiqat işlərinin  müasir standartlarla aparılması məqsədilə,  2010-cu ildə KTL pH-ın, ammonium ionlarının, duzluluğun və bərk hissəciklərin təyini üçün Hanna portativ analizatorları, neft məhsullarının təyini üçün  AN-2 neft analizatoru, torpağın qranulometrik analizi üçün  ələk dəsti və vibrator,  “Siqma” sentrafuqası,  titrəyici masa, quruducu şkaf, distillə aparatı və məsafədən nümunə götürən  “Ştanqa-4.5”  cihaz və avadanlıqları ilə təchiz edilmişdir. Yeni cihaz və avadanlıqların  istismara  verilməsi nəticəsində  KTL- nın  iş şəraiti xeyli yaxşılaşdırılmış, tədqiqat işlərinin operativ və keyfiyyətlə aparılması təmin olunmuşdur.
    KTL-nın maddi-texniki bazasının gücləndirilməsi istiqamətində tədbirlər gələcəkdə də davam etdiriləcəkdir.

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...