Beynəlxalq Mülki Müdafiə Təşkilatının təşəbbüsü ilə hər il bütün dünyada mart ayının ilk günü “Ümumdünya Mülki Müdafiə Günü“ qeyd olunur. Təşkilata üzv olan Azərbaycan Respublikasında da bu əlamətdar gün münasibətilə müəssisə və təşkilatlarda silsilə tədbirlər keçirilir.
01.03.2011-ci il tarixdə “Ekol Mühəndislik Xidmətləri” QSC-də də 1 Mart Ümumdünya Mülki Müdafiə Günü qeyd olunmuşdur. Nizami rayonu Fövqəladə Hallar və Mülki Müdafiə şöbəsinin təsdiq etdiyi tədbirlər planına uyğun olaraq QSC-nin bütün istehsalat sahələrində ÜMM günü ilə əlaqədar xəbərdarlıq rabitə vasitələri ilə çatdırılmış, foto sərgilər təşkil olunmuş və MM manqaları ilə birgə toplantılar keçirilmişdir.
Toplantılarda Azərbaycan Respublikası Fövqəladə Hallar Nazirliyinin Mülki Müdafiə Baş İdarəsinin təsdiq etdiyi “Mülki Müdafiədə Qadınların rolu” mövzusunda mühazirələr oxunmuş və müzakirələr aparılmışdır. MM Qərargahının rəisi S.Veysəlov, Manqa komandirləri və başqaları öz çıxışlarında Sanitar məntəqəsində, eləcə də Rabitə-Xəbərdarlıq manqasında qadınların rolundan ətraflı danışmış və onlara bu işlərdə daha da məsuliyyətli olmalarını tövsiyə etmişlər.
Tədbirin sonunda Mülki Müdafiə Qərargah rəisi Səbuhi Veysəlov qarşıda duran vəzifələr və onların yerinə yetirilməsi yolları barədə geniş məlumat vermişdir.
tarix : 04.03.2011
|