8-Mart iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günüdür. Beynəlxalq Qadınlar Gününün bayram edilməsi K.Setkinin təklifi ilə 1910-cu ildə sosialist qadınların 2-ci Beynəlxalq konfransında Kopenhagendə qərara alınmışdır. İlk dəfə 1911-ci ildə Almaniya, Avstriya, İsveçrə və Danimarkada keçirilmişdir. Rusiya 1913-cü ildə Azərbaycanda isə 1917-ci ildə qeyd edilmişdir. 1914-cü ilədək Beynəlxalq Qadınlar Günü müxtəlif günlərdə keçirilmişdir.
Beynəlxalq Qadınlar Gününün 8 Martda keçirilməsi Avstriya, Macarıstan Rusiya, ABŞ və s. ölkə qadınları öz həmrəylik gününü məhz bu tarixdə qeyd edəndən sonra ənənə halını aldı. O vaxtdan bütün ölkələrdə qadınlar 8 Mart gününü, həmçinin sülh uğrunda mübarizədə həmrəylik günü kimi də qeyd edirlər. 1965-ci ildən keçmiş SSRİ-də 8 Mart Beynəlxalq Qadınlar Günü istirahət günü elan olunmuşdur.
Azərbaycan müstəqillik əldə etdikdən sonra da 8 Mart Beynəlxalq Qadınlar Günü istirahət günü olmaqla, hər il respublikamızda təntənə ilə qeyd edilir.
Martın 7-də hər il olduğu kimi “Ekol Mühəndislik Xidmətləri” QSC-nin baş ofisində və istehsalat sahələrində də 8 Mart Beynəlxalq Qadınlar Günü münasibətilə silsilə tədbirlər keçirilmişdir. QSC-nin rəhbərliyi bayram münasibətilə müəssisədə çalışan qadınları təbrik etmiş, müasir həyatımızda, dövlət quruculuğunda və ölkəmizin iqtisadi inkişafında qadınların rolu xüsusilə qeyd olunmuşdur.
Tədbirdə çıxış edənlər QSC-nin kollektivinin 25%-ni təşkil edən qadınların əməyini yüksək qiymətləndirmiş, onlara can sağlığı, uzun ömür və işlərində müvəffəqiyyətlər arzulamışlar.
Sonda QSC-nin rəhbərliyi tərəfindən qadın kollektivinin hər bir üzvünə tər çiçəklər və pul mükafatı təqdim olunmuşdur.
tarix : 07.03.2011
|