Ekoloji layihələrin yüksək keyfiyyətlə və  vaxtında yerinə yetirilməsi  üçün, müasir dünya standartlarına cavab verən texnika və texnologiyaların istehsalata tətbiq olunması ən əsas amillərdən biridir. Bu məqsədlə QSC-nin maddi texniki bazasının gücləndirilməsi daimi diqqət mərkəzindədir.

    “Ekol Mühəndislik Xidmətləri” QSC fəaliyyətə başladığı müddətdən (2006-cı il),  təsisçilərin yaxından dəstəyi ilə iri həcmli kapital qoyuluşları hesabına  maddi-texniki bazanın gücləndirilməsi istiqamətdə ardıcıl tədbirlər həyata keçirmiş, tanınmış xarici şirkətlərlə işgüzar əməkdaşlıq münasibətləri yaradılmışdır.

    Təkcə ötən il, QSC-nin texnika parkına 1 ədəd  Hollandiya istehsalı, məhsuldarlığı 20 m3/saat  olan 3 fazalı dekantor qurğusu, 5 ədəd Rusiya istehsalı olan  VAO - 8280 tipli ( 2D 2000-21 AYXL) nasosları, toxum səpən aqreqat və s. alınıb əlavə edilmişdir.

     2010-cu ildə QSC-nin aparıcı struktur bölmələrindən biri olan Nəqliyyat sexinin də texniki parkının yeniləşməsinə xüsusi diqqət yetirilmişdir. Ötən il 2 ədəd    (28+1 yerli)  avtobus, 2 ədəd minik avtomobili, 1 ədəd traktor,  1 ədəd draqlayn 1 ədəd avtokran alınmışdır. 2011-ci ildə də bu tədbirlər davam etdirilmiş,  1 ədəd Çoxfunksiyalı Xüsusi Texnika ( MSG 1730), 1 ədəd  ekskavator və bu texnikalar üçün əlavə ehtiyat hissələrə alınıb  Nəqliyyat sexinin  istifadəsinə verilmişdir.

tarix : 16.03.2011