Respublikamızda  ətraf mühitin mühafizəsi və ekoloji tarazlığın  bərpası istiqamətində aparılan genişmiqyaslı tədbirlər çərçivəsində məqsədyönlü tədbirlər davam etdirilir. Hər il olduğu kimi yaz mövsümünün gəlişi ilə əlaqədar  aprelin  2-də  ARDNŞ-nin  bütün struktur bölmələrində ağacəkmə kampaniyaları və iməciliklər keçirilmişdir.

    Aprelin 2-də “Ekol Mühəndislik Xidmətləri” QSC-də də iməcilik təşkil edilmiş və bütün istehsalat sahələri, o cümlədən, Z. Tağıyev adına NQÇİ-nin, “Balaxanıneft” NQÇİ-nin və Ə.Əmirov adına NQÇİ-nin  mədən ərazilərindəki QSC-nin icra etdiyi layihə sahələri əhatə olunmuşdur. İməcilikdə  sahələrdə abadlıq işləri aparılmış, yaşıllıqlara mövsümü  qulluq göstərilmiş və yeni ağaclar əkilmişdir.

     ARDNŞ-nin ekoloji fəaliyyətinin  prioritet istiqamətlərindən olan neftlə çirklənmədən təmizlənmiş mədən ərazilərinin yaşıllaşdırılması tədbirlərinin davamı olaraq, aprelin 2-də “Bibiheybətneft” NQÇİ-nin mədən ərazisində genişmiqyaslı ağacəkmə kampaniyası keçirilmişdir. Dövlət Neft Şirkətinin prezidenti Rövnəq Abdullayev və Şirkət rəhbərliyinin  iştirakı ilə keçirilən kampaniyada,  ARDNŞ-nin bir çox struktur bölmələri ilə yanaşı “Ekol Mühəndislik Xidmətləri” QSC-nin rəhbərliyi və kollektivi də fəal iştirak etmişdir.

     Ağacəkmə kampaniyasında “Bibiheybətneft” NQÇİ-nin mədən ərazisində xeyli sayda  müxtəlif növ ağac və kol bitkiləri əkilmişdir.

tarix : 04.04.2011