Yazın gəlişi və təbiətin oyanışı ilə Respublikamızın hər yerində ağacəkmə aksiyaları keçirilir mövcud yaşıllıqlara qulluq göstərilir. Aprelin 30-da Nizami rayonunun ərazisində də iməciliklər təşkil olunmuşdur.
Yeni Azərbaycan Partiyası Nizami rayon təşkilatının təşəbbüsü və rayon İcra Hakimiyyətinin dəstəyi ilə Bəhruz Nuriyev küçəsində ağacəkmə aksiyası keçirilmişdir. Aksiyaya “Ekol Mühəndislik Xidmətləri” QSC-nin, Heydər Əliyev adına BNEZ–nun, ARDNŞ-nin Ekologiya İdarəsinin, digər müəssisə və təşkilatların kollektivləri də qatılmışlar. Tədbirdə Nizami rayonu İH-nin, YAP Nizami rayon təşkilatının və müəssisələrin rəhbərləri də iştirak etmişlər.
Həmişə olduğu kimi aksiyada fəallıq göstərən “Ekol Mühəndislik Xidmətləri” QSC-nin kollektivi həmin gün B.Nuriyev küçəsində 200-dən çox eldar şamı əkmiş və ağaclara aqrotexniki qulluq göstərmişlər. Aksiya zamanı ümumən 600-dən çox müxtəlif növ ağac əkilmişdir.
Aprelin 30-da QSC-nin istehsalat sahələrində də iməcilik keçirilmiş, təmizləyici qurğuların ətrafı alaq otlarından təmizlənmiş, mövcud yaşıllıqlara qulluq göstərilmiş, xeyli abadlıq işləri yerinə yetirilmişdir.
tarix : 02.05.2011
|