Maddi-texniki bazasının gücləndirilməsi və texniki parkının yeniləşməsi istiqamətində ardıcıl tədbirlər həyata keçirən “Ekol Mühəndislik Xidmətləri” QSC, 2011-ci ilin I-ci rübündə də müasir nəqliyyat vasitəsinin və xüsusi texnikaların alınmasını reallaşdırmışdır.
Cari ilin I-ci rübündə 1 ədəd “Ford 1826” markalı avtomobilin üzərində 10 tonluq su tankeri, 1 ədəd müxtəlif funksiyalı, “MST Telehandler St 1730” markalı xüsusi texnika və 1 ədəd “MST M-542 “ markalı buldozer - ekskavator alınaraq Nəqliyyat sexinin texnika parkına əlavə edilmişdir.
QSC icra etdiyi ekoloji layihələrin təyinatından və iş həcmindən asılı olaraq, yeni texnikaların və nəqliyyat vasitələrin alınması və istehsalata tətbiqi sahəsində tədbirlərini gələcəkdə də davam etdirəcəkdir.
tarix : 03.05.2011
|