QSC-də Ulu öndər Heydər Əliyevin anadan olmasının 88-ci ildönümü ilə əlaqədar silsilə tədbirlər həyata keçirilir. Bu tədbirlər planını çərçivəsində mayın 5-də QSC-də nərd turniri təşkil olunmuşdur.
Əvvəlcə turnir iştirakçılarına Ulu öndərin həyat və fəaliyyəti haqqında qısa məlumat verilmiş və onun əziz xatirəsi bir dəqiqəlik sükutla yad edilmişdir. Daha sonra turnirə start verilmişdir. Turnirə QSC-nin müxtəlif istehsalat sahələrindən 40 nəfərə qədər kollektivinin nümayəndəsi qatılmışlar. Nərd yarışları maraqlı oyunları ilə yadda qalmışdır.
Turnirdə yüksək səviyyəli oyun nümayiş etdirərək, Tullantıların emalı departamentinin rəis müavini Süleyman Bərxudarov 1-ci yeri, Parafin sexinin operatoru Əsəd Şükürov 2-ci yeri, Nəqliyyat sexinin rəisi Mahir Əsgərov isə 3-cü yeri tutmuşlar. Qaliblərə xüsusi diplomlar və pul mükafatları təqdim olunmuşdur.
tarix : 06.05.2011
|