“Ekol Mühəndislik Xidmətləri” QSC ARDNŞ-nin  neftqazçıxarma idarələrinin mədən ərazilərində neftlə çirklənmiş torpaqların rekultivasiyası və bioremediasiyası kimi prioritet ekoloji layihələr yerinə yetirməklə yanaşı, öz istehsalat sahələrində də ekoloji vəziyyətin yaxşılaşdırılması istiqamətində təxirəsalınmaz tədbirlər həyata keçirir.

    Bununla əlaqədar,  QSC-nin   Tullantıların emalı departamenti (TED)  xidmət göstərdiyi Heydər Əliyev adına BNEZ-da və “Azərneftyağ” NEZ-da  texnoloji proseslər nəticəsində formalaşan neftşlamın ətraf mühitə mənfi təsirinin minimuma endirilməsi məqsədilə, neftşlamın  emalı və zərəsizləşdirilməsi, eləcə də bioremediasiyası sahəsində ardıcıl tədbirlər görür.

    Hazırda TED-nin 6-cı sahəsində (H.Əliyev adına BNEZ-nun 9-cu sexinin ərazisi) uzun illər yığılıb qalmış neftşlamın  bioremediasiyası  üçün hazırlıq işləri aparılır. Həmin ərazidə 1-ci çökdürücü göldəki 40 min m3 -dən çox  neftşlamın isə emal qurğularına ötürülməsi işlərinə başlanılmışdır. TED-nin 7-ci sahəsində də (“Azərneftyağ” NEZ-nun ərazisi) neftşlamın  tutumlardan  (Alfa-Laval ) 2 fazalı dekantor qurğusuna daşınması və emalı davam etdirilir.

    Bütün bunlarla yanaşı atmosferə atılan zərərli maddələrin azaldılması məqsədilə Heydər Əliyev adına BNEZ tərəfindən  TED-nin 6-cı sahəsindəki flotatorların üzərilərinin örtüklə bağlanması da öz müsbət nəticələrini verməkdədir.

tarix : 20.05.2011