Mayın 23-də gərgin mübarizə şəraitində keçən və maraqlı anları ilə yadda qalan futzal üzrə Azərbaycan çempionatına yekun vuruldu. Elə həmin gün çempionatın 3-sü olmaq uğrunda mübarizə aparan komandamız,  son oyunda “Azmetko” komandası  ilə görüşmüş və 6:2 hesabı ilə qələbə qazanaraq məqsədinə nail oldu.

      2010-2011-ci il mövsümünə ciddi hazırlaşan komandamız öz fiziki və taktiki hazırlığını daha da artıraraq layiqli qələbələrə imza atdı. İstər Azərbaycan kuboku, istərsə də Azərbaycan çempionatının  yarışmalarında gözəl oyunlar nümayiş etdirən “Ekol” komandası,  Azərbaycan kubokuna sahib çıxmaqla  və çempionatın 3-sü olmaqla  2011-ci ildə futzal  tarixinə öz qələbələrini yazdı. Bununla da “Ekol” peşəkar komanda imicini qazandığını və növbəti ildə Azərbaycan çempionu olmaq şansının reallığını bir daha sübut etdi. Bu layiqli qələbələrə görə komandamızı təbrik edir və daha uca zirvələri fəth etməyi arzulayırıq.

tarix : 24.05.2011