Əməyin mühafizəsi, texniki təhlükəsizlik qaydalarına əməl olunması, insanların sağlamlığının qorunması və dövlət əmlakının yanğından mühafizə edilməsi “Ekol Mühəndislik Xidmətləri” QSC-nin daim diqqətdə saxladığı əsas vəzifələrdən biridir. Bu məqsədlə QSC-nin istehsalat sahələrində mütəmadi olaraq müvafiq tədbirlər həyata keçirilir, istismar müddəti başa çatmış mühafizə vasitələri və yanğınsöndürmə sistemləri yeniləşdirilir.
Bu kimi tədbirlərdən biri də, may ayında Tullantıların emalı departamentinin 7-ci sahəsinin (“Azərneftyağ” NEZ-nun ərazisində) 3-cü nefttutucu sahəsində həyata keçirilmişdir. Belə ki, 3-cü nefttutucu sahəsinin mexaniki təmizləmə qurğularında yarımavtomatik köpüklə yanğınsöndürmə sistemi yenidən qurularaq istifadəyə verilmişdir. Hər bir nefttucuya 10 ədəd olmaqla, ümumilikdə 20 ədəd köpük əmələgətirici generator quraşdırılmış, yanğınsöndürmə boru xətləri yenisi ilə əvəz edilmiş və təyinatına uyğun rənglənmişdir.
İyunun 2-də yeni yarımavtomatik köpüklə yanğınsöndürmə sisteminin sınağı keçirilmişdir. Sınaq tədbirində “Azərneftyağ NEZ-nun Baş mühəndisi M.İsmayılov, Direktorun Əməyin mühafizəsi üzrə müavini-TEK xidmətinin rəisi Z.Qurbanov, “Ekol Mühəndislik Xidmətləri” QSC-nin Baş direktorunun SƏTƏM üzrə müavini R.İsmayılov, Azərbaycan Respublikası FHN-nin DYNX-nin Neftayırma müəssisələri üçün yaradılmış YMD-nin rəis müavini d/x polkovnik leytenantı İ.Həsənov, 13 saylı YMH-nin rəisi d/x mayoru S.Hüseynov, digər rəhbər və mühəndis - texniki işçilər iştirak etmişlər.
Bəzi rəy və təkliflər nəzərə alınmaqla, QSC-nin Tullantıların emalı departamentinin 7-ci sahəsində (“Azərneftyağ” NEZ) yenidən qurulub istifadəyə verilmiş yarımavtomatik köpüklə yanğınsöndürmə sisteminin sınağı müvəffəqiyyətlə başa çatmışdır.
tarix : 03.06.2011
|