Birləşmiş Millətlər Təşkilatının Baş Assambleyasının 1972-ci il 05 iyun tarixdə Stokholm şəhərində keçirilən iclasında ətraf mühit məsələləri diqqət mərkəzində olmuşdur. Problemin kəskinliyini, əhali arasında ekoloji şüurun genişləndirilməsi, ətraf mühitin mühafizəsi problemlərinə diqqət yönəldilməsi vacibliyini nəzərə alan iştirakçılar tərəfindən, 05 iyunun «Ümumdünya ətraf mühitin mühafizəsi günü» kimi qeyd olunmasına qərar verilmişdir. Növbəti ildən isə başlayaraq həmin gün bütün dünyada təntənəli şəkildə qeyd olunmağa başlanmışdır.

     Hər il olduğu kimi  bu il də 5 iyun – Ümumdünya ətraf mühitin mühafizəsi günü ilə əlaqədar  respublikamızın müəssisə və təşkilatında  iməciliklər, ağacəkmə aksiyaları  və digər maarifləndirici tədbirlər keçirilmişdir. Tədbirlərdə minlərlə mövsümü ağaclar əkilmiş, xeyli abadlıq işləri görülmüş və yaşıllıqlara aqrotexniki xidmətlər göstərilmişdir.

    “Ekol Mühəndislik Xidmətləri” QSC-də də 5 iyun – Ümumdünya ətraf mühitin mühafizəsi gününə həsr olunmuş iməcilik təşkil edilmiş və bütün istehsalat sahələri əhatə olunmuşdur. QSC-nin  O.Vəliyev 1 ünvanında iməciliklə yanaşı, açıq havada Ümumdünya ətraf mühitin mühafizəsi gününə həsr olunmuş toplantı da keçirilmişdir.  

    Toplantıda çıxış edən QSC-nin baş direktoru Ramil Əliyev  qeyd etmişdir ki, müasir dünyamızda bəşəriyyəti narahat edən ən aktual problemlərdən biri də ətraf mühitin mühafizəsi və ekoloji tarazlığın  bərpa edilməsidir. Bu gün bütün dünya dövlətlərində bu məsələyə böyük önəm verilir və irimiqyaslı tədbirlər həyata keçirilir.  Baş direktor     QSC-nin ümumi fəaliyyətinin ekoloji yönümlü olması və  ətraf mühitin mühafizəsi istiqamətində görülən işləri  bir daha toplantı iştirakçılarının nəzərinə çatdırdı və bildirdi ki, bu sahədə gördüyümüz işlərlə yanaşı, əhali və xüsusən gənclər arasında ekoloji maarifləndirmə işlərinin aparılması da bizim ən başlıca vəzifələrimizdən biridir.

tarix : 04.06.2011