Respublikamızda ekoloji vəziyyətin yaxşılaşdırılması və ətraf mühitin mühafizəsi istiqamətində geniş miqyaslı tədbirlərin həyata keçirilməsi davam etməkdədir. Abşeron yarımadasında ekoloji tarazlığın pozulmasına təsir göstərən neft sənaye müəssisələrinin istehsalat sahələrində isə bu kimi tədbirlər daha geniş vüsət almışdır.
?xml:namespace prefix = o /-->
ARDNŞ-nin ekoloji vəziyyətin yaxşılaşdırılmasına dair təsdiq etdiyi tədbirlər planına uyğun olaraq, neft-qaz çıxarma idarələrinin mədən ərazilərində neftlə çirklənmiş torpaqların təmizlənməsi xüsusilə diqqət mərkəzindədir və bu sahədə məqsədyönlü tədbirlə görülməkdədir. Cari ilin 5 ayı ərzində yüz hektarlarla torpaq sahəsi neftlə çirklənmədən təmizlənmişdir.
ARDNŞ-nin fəaliyyət sahələrində ekoloji yönümlü layihələrin həyata keçirilməsində “Ekol Mühəndislik Xidmətləri” QSC də potensial podratçı qismində yaxından iştirak edir. QSC “Abşeronneft”, “Siyəzənneft”, “Balaxanıneft”, Z.Tağıyev adına, Ə.Əmirov adına neft-qaz çıxarma idarələrinin mədən ərazilərində neftlə çirklənmiş torpaqların təmizlənməsini və reabilitasiyasını uğurla həyata keçirmiş və bu sahədə işləri davam etdirməkdədir.
Neftlə çirklənmiş torpaqların təmizlənməsinin aktual problem olması nəzərə alınaraq, cari ilin II-ci rübündə də “Ekol Mühəndislik Xidmətləri” QSC-nə yeni layihələrin icrası həvalə olunmuşdur. Bu layihələrdə Z.Tağıyev adına NQÇİ-nin mədən ərazisində (Buzovna qəsəbəsi) 226 hektar, “Azneft” İB-nin Qaraçuxur İNM (iriləşmiş neft mədəni) ərazisində isə 15 hektara qədər neftlə çirklənmiş torpaqların təmizlənməsi nəzərdə tutulmuşdur. Artıq bu sahələrdə layihələrin icrasına başlanılmış və xeyli işlər yerinə yetirilmişdir.
tarix : 13.06.2011
|