ARDNŞ-nin  fəaliyyət sahələrində əhəmiyyətli ekoloji layihələr yerinə yetirən  QSC,  özünün istehsalat sahələrində də ətraf mühitin mühafizəsi sahəsində  mühüm tədbirlər həyata keçirir. Bu məqsədlə QSC-nin  əsas istehsalat sahələrindən biri olan, Tullantıların emalı departamentinin (TED) 6-cı sahəsində (Heydər Əliyev adına BNEZ-nun O.Vəliyev 1 ünvandakı 9-cu sexinin ərazisi) ətraf mühitin mühafizəsi və  ekoloji tarazlığın təmin olunması üçün BNEZ ilə razılaşdırılmış qaydada  istismar müddəti başa çatmış qurğular ləğv  edilərək,  həmin ərazilərdə bərpa və abadlaşdırma işləri aparılır.

    Bu tədbirlərin davamı olaraq, cari ilin may-iyun aylarında  TED-nin 6-cı sahəsində bir neçə  yararsız vəziyyətdə olan tutumlar ləğv edilmiş və oradakı   neftşlam emal olunaraq zərərsizləşmişdir ki,  nəticədə də uzun illər bu tutumlarda yığılıb qalmış neftşlamın ətraf mühitə mənfi təsiri xeyli dərəcədə azaldılmışdır.

   QSC-də bu kimi tədbirlər davam etməkdədir.

tarix : 20.06.2011