Xidmətlərimiz
|
|
|
|
“Ekol Mühəndislik xidmətləri” QSC- də çalışan mühəndis-texniki işçilərinin texniki təhlükəsizlik üzrə növbəti imtahanlarına başlanılmışdır
|
“Ekol Mühəndislik xidmətləri” QSC-də texniki təhlükəsizliyin beynəlxalq standartlar səviyyəsində qurulması, istehsalat sahələrində əməyin mühafizəsi, texniki təhlükəsizliyin tələblərinə əməl olunması, işçilərin sanitar-texniki normalarına uyğun iş şəraiti, xüsusi geyim və fərdi mühafizə vasitələri ilə təmin olunması daimi diqqət mərkəzindədir. Bununla yanaşı, QSC-də çalışan işçilərin texniki təhlükəsizlik üzrə bilik səviyyələrinin artırılması istiqamətində də müvafiq tədbirlər görülür, vaxtaşırı treninq və seminarlar keçirilir, bu sahədə dövrü olaraq təlimatlara uyğun işçilərin bilik səviyyələri yoxlanılır, əlavə təlimatlandırma və maarifləndirmə işləri həyata keçirilir.
Növbəti dəfə mühəndis-texniki işçilərin texniki-təhlükəsizlik sahəsində biliklərinin yoxlanılması məqsədilə, QSC-nin bütün struktur bölmələri əhatə olunmaqla 20 iyun 2011-ci il tarixdən imtahanlara başlanılmışdır. İmtahanda QSC-nin baş direktorunun SƏTƏM üzrə müavini Rəşad İsmayılov, Əmək haqqı və əməyin təşkili şöbəsinin rəisi Şahin Səlimov, HİK-nin sədri Əli Ələkbərov, Tullantıların emalı departamentinin rəis müavini Ataxan Əlicanov, Texniki təhlükəsizlik şöbəsinin rəisi Səbuhi Veysəlov və rəis müavini Tapdıq Quliyev iştirak etmişlər.
İmtahanların nəticələri göstərir ki, QSC-də çalışan mühəndis-texniki işçilərin bilik səviyyələri qənaətbəxşdir və texniki təhlükəsizlik qaydaları təlimatlar işçilər tərəfindən dərindən mənimsənilmişdir.
Mühəndis-texniki işçilərin texniki-təhlükəsizlik sahəsində biliklərinin yoxlanılması məqsədilə imtahanlar davam edir.
tarix : 22.06.2011
|
|
|
|
|
|
|