Ətraf mühitin mühafizəsi sahəsində çirkab-sənaye, tullantı sularının və parafinin təmizlənməsi, neftşlamın emalı və zərərsizləşdirilməsi kimi önəmli ekoloji layihələr həyata keçirən QSC-nin Tullantıların Emalı Departamenti (TED), 2011-ci ilin I-ci yarım illiyini uğurlu göstəricilərlə başa vurmuşdur.
Cari ilin I-ci yarım illiyində TED-nin 6-cı sahəsində (Heydər Əliyev adına BNEZ-nun 9-cu sexinin ərazisi) BNEZ-nun 10 min 935 ton neftşlamı emal edilərək zərərsizləşdirilmiş, 4 milyon 998 min m3 isə sənaye çirkab suları təmizlənmişdir. Bu dövr ərzində TED-nin “Parafin təmizləmə sexi”ndə “BP Exploreyşn (Caspian SEA) LTD-dən daxil olan 62 tona qədər ərsin parafini təmizlənmişdir.
Hesabat dövründə TED-nin 7-ci sahəsində (“Azərneftyağ” NEZ-nun ərazisi) NEZ-da texnoloji proseslər nəticəsində formalaşan 5 min 127 ton neftşlam emal olunaraq zərərsizləşdirilmiş, 5 milyon 865 m3-ə qədər sənaye çirkab suları norma həddinə qədər təmizlənmişdir.
Bununla yanaşı, I-ci yarım illikdə TED-nin 6-cı sahəsində digər “Sifarişçi” təşkilatlardan, o cümlədən ARDNŞ-nin Ekologiya İdarəsindən, “Suraxanı OYL” Operation Company S.A.-dan, İxtisaslaşdırılmış Xəzər Dəniz Neft Donanma İdarəsindən, Dövlət Xəzər Dəniz Gəmiçilik İdarəsindən, ARDNŞ-nin Qaz Emalı Zavodundan, “AAS-EKOL” MMC-dən və Abşeron ATE-dən daxil olan 19 min 137 m3 lyal, məişət-fekal, yağlı və tullantı suları qəbul edilərək təmizlənmiş, 1min 417 tona qədər neftşlam, su əsaslı palçıq, yağlı şlam və yağlı torpaq emal edilərək zərərsizləşdirilmişdir.
Ötən yarım illikdə “Ekol Mühəndislik Xidmətləri” QSC ilə ARDNŞ-nin “Neft Kəmərləri” İdarəsi arasında bağlanmış müqaviləyə əsasən, TED may ayından Dübəndi neft terminalında da fəaliyyətə başlamışdır. Müqavilənin şərtlərinə əsasən, TED-nin 5-ci sahəsi “TOPAS” tipli biotəmizləyici, “VEW System Specification” tipli separator, və “OSS-500” sistemli neftşlam emal edən qurğulardan istifadə etməklə, terminalda formalaşan məişət-təsərrüfat, çirkab axıntı və neftlə çirklənmiş suların təmizlənməsi, eləcə də neftşlamın emalı və zərərsizləşdirilməsi işlərini həyata keçirir .
Bundan başqa, “Ekol Mühəndislik Xidmətləri” QSC-nin Tullantıların Emalı Departamenti I-ci yarım illikdə ekoloji vəziyyətin yaxşılaşdırılması sahəsində önəmli ekoloji layihələr həyata keçirməklə yanaşı, istehsalat sahələrində, həmçinin təmizləyici və emaledici qurğularda təmir-profilaktika işlərini yerinə yetirmiş, istehsalat proseslərinin fasiləsizliyi və texniki təhlükəsizliyi təmin edilmişdir.
tarix : 11.07.2011
|