“Ekol Mühəndislik Xidmətləri” QSC-nin həyata keçirdiyi ekoloji layihələrin keyfiyyətlə icra olunması layihə ərazilərində və istehsalat sahələrində aparılmış ekoloji monitorinqin və analitik təhlillərin nəticələrindən xeyli dərəcədə asılıdır. Odur ki, QSC-nin Ekoloji Monitorinq Departamenti bütün fəaliyyət sahələrində mütəmadi olaraq monitorinq işlərini yerinə yetirir və götürülmüş nümunələr Departamentin Kompleks Tədqiqatlar Laboratoriyasında analitik təhlil edilir. Əldə olunmuş nəticələrə uyğun olaraq layihələrin icra müddəti və metodları müəyyən olunur.
Müasir cihaz və avadanlıqlarla təchiz olunmuş və peşəkar kadrların fəaliyyət göstərdiyi Kompleks tədqiqatlar Laboratoriyası (KTL) 2011-ci ilin birinci yarısında da məhsuldar işləmiş və öz layiqli töhfələrini vermişdir. Bu dövr ərzində QSC-nin Tullantıların Emalı Departamentinin (TED) 6-cı (Heydər Əliyev adına BNEZ-nun 9-cu sexinin ərazisi) və 7-ci (“Azərneftyağ” NEZ-nun ərazisi) sahələrində istismarda olan təmizləyici və emal qurğularının effektivliyinin müəyyən edilməsi məqsədilə, KTL tərəfindən qurğuların giriş və çıxışlarından gündəlik nümunələr götürülmüş, pH və digər kimyəvi göstəricilər təyin edilmişdir. Bu sahələrdə 275 nümunədə 984 fiziki-kimyəvi və kimyəvi təhlillər aparılmışdır. Müvafiq dövr ərzində TED-nin 5-ci sahəsində istismarda olan təmizləyici və emal qurğularının giriş və çıxışlarından isə 116 su nümunəsi götürülərək (316) təhlil edilmişdir.
Ekoloji Monitorinq Departamentinin KTL 2011-ci ilin 6 ayı ərzində QSC-nin digər “Sifarişçi” təşkilatlarının istehsalat sahələrində də zəruri tədqiqat işlərini yerinə yetirmişdir. Hesabat dövründə Kompleks Qazma İşləri Trestinin “Qobustan” KQİİ-nin, Tamponaj İdarəsinin, “Abşeron” Qİİ-nin, “Qazmaservis və Loqistika” İdarəsinin, “Abşeronneft” NQÇİ-nin, “28 May” NQÇİ-nin, “Balaxanıneft” NQÇİ-nin və “N.Nərimanov” NQÇİ-nin istehsalat sahələrində aparılmış monitorinq zamanı götürülmüş 378 su nümunəsi üzərində 1 612-yə qədər fiziki-kimyəvi və kimyəvi analizlər aparılmışdır. May ayında isə “Suraxanı OYl” Operation Company S.A. Şirkətinin mədən ərazisində formalaşmış mədən sularından 16 nümunə götürülmüş və 127 təhlil aparılmışdır. KTL həmçinin neftlə çirklənmiş sahələrin bioremediasiyası zamanı neft-qaz çıxarma idarələrinin mədən ərazilərindən də 134 nümunə götürərək 261 fiziki-kimyəvi və kimyəvi təhlil etmişdir.
Ekoloji Monitorinq Departamentinin KTL QSC-nin fəaliyyət sahələrində tədqiqat işlərini fasiləsiz olaraq davam etdirir.
tarix : 13.07.2011
|