“Ekol Mühəndislik Xidmətləri” QSC-nin ümumi fəaliyyətində və ekoloji layihələrin vaxtında və keyfiyyətlə həyata keçirilməsində Nəqliyyat və xüsusi texnika şöbəsinin (NXTŞ) rolu böyükdür. Ötən illərdə olduğu kimi 2011-ci ilin I-ci yarım ilində də, NXTŞ öz nəqliyyat və xüsusi texnikaları ilə QSC-nin fəaliyyət sahələrində yaxından iştirak etmiş və bir sıra ekoloji layihələrin həyata keçirilməsində üzərinə düşən vəzifələri layiqincə yerinə yetirmişdir. İstehsalat sahələrinin xüsusi texnika ilə təmin olunması və nəqliyyat xidmətlərinin göstərilməsi yüksək səviyyədə təşkil olunmuşdur.
NXTŞ QSC-nin “Sifarişçi” təşkilatlarının istehsalat sahələrində də məqsədyönlü işlər görmüşdür. Cari ilin 6 ayı ərzində xüsusi texnika və nəqliyyat vasitələri ilə “Suraxanı OyL” Əməliyyat Şirkətinin mədən ərazilərində, Xəzər Dəniz Neft Donanmasında, ARDNŞ-nin Ekologiya İdarəsində və Neft Kəmərləri İdarəsində formalaşan xeyli çirkab suları daşınmışdır. Müvafiq dövr ərzində Z.Tağıyev adına NQÇİ-nin mədən ərazisində tullantıların, şlam, saman və gübrələrin daşınması həyata keçirilmiş, bioremediasiya sahəsində şumlama işləri aparılmışdır.
Bununla yanaşı, hesabat dövründə NXTŞ-nin xüsusi texnikaları “Abşeronneft” NQÇİ-nin, Ə.Əmirov adına NQÇİ-nin və “Balaxanıneft” NQÇİ-nin Kürdəxanı mədən ərazilərində nəzərdə tutulan şumlama işləri yerinə yetirilmişdir. Eyni zamanda, xüsusi nəqliyyat vasitələri ilə Z.Tağıyev adına NQÇİ-nin Buzovna qəsəbəsindəki mədən ərazisindən xeyli miqdarda torpaq daşınmış, ARDNŞ-nin Neft Kəmərləri İdarəsinin Dübəndi neft termnalında lilsovuran avtomaşınlarla xidmət göstərilmişdir. QSC-nin Heydər Əliyev adına BNEZ-nun və “Azərneftyağ” NEZ-nun ərazilərində neftşlamın emalı və zərərsizləşdirilməsi nəticəsində 2 fazalı dekantor (Alfa-Laval) qurğularından çıxan torpaq, xüsusi texnika və nəqliyyat vasitələri ilə daşınaraq ərazidən kənarlaşdırılmışdır.
Yay mövsümündə QSC-nin fəaliyyət sahələrində yaşıllıqların suvarılması və su çatışmayan ərazilərin su təchizatını təmin etmək məqsədilə, NXTŞ xüsusi təyinatlı nəqliyyat vasitələrindən istifadə edilmiş və ərazilərə tələb olunan miqdarda su daşınmışdır.
NXTŞ 2011-ci il üçün nəzərdə tutulmuş tədbirlər planına uyğun olaraq, nəqliyyat vasitələrinə və xüsusi texnikalara texniki xidmət göstərilməsini, onların xəttə çıxmalarını, gündəlik yanacaq və yol vərəqələri ilə təmin edilməsini, eləcə də profilaktiki təmir işlərinin aparılmasını texniki tələblərə və normativlərə uyğun olaraq yüksək səviyyədə təşkil etmişdir.
“Ekol Mühəndislik Xidmətləri” QSC öz fəaliyyətində nəqliyyat və xüsusi texnikaların əvəzsiz rolunu nəzərə alaraq, NXTŞ-nin maddi-texniki bazasının gücləndirilməsi və şöbənin texniki parkının müasir nəqliyyat və xüsusi texnikalar vasitələri ilə genişləndirilməsi istiqamətində məqsədyönlü tədbirlərini davam etdirir.
tarix : 01.08.2011
|