|
2011-ci ildə “Ekol Mühəndislik Xidmətləri” QSC-nin həyata keçirdiyi prioritet ekoloji layihələrdən biri də, öz tarixiliyi ilə səciyyələnən Qala kəndinin ərazisində yerləşən, ümumi sahəsi 76 hektar olan gölün ətrafındakı neftlə çirklənmiş sahələrin təmizlənməsidir.
“Azneft” İB ilə QSC arasında bağlanmış “H.Z.Tağıyev adına NQÇİ-nin 2 saylı NQÇS-nin köhnə Qala yatağının ərazisində yerləşən, Qala gölünün ətrafında olan neftlə çirklənmiş sahələrin təmizlənməsi işlərinin yerinə yetirilməsi” müqaviləsinin icrasına QSC-nin Torpaqların rekultivasiyası departamenti cari ilin mart ayında başlamışdır.
QSC-nin Torpaqların rekultivasiyası departamenti layihənin icrası üçün əraziyə xeyli sayda xüsusi texnika, ağır tonnajlı nəqliyyat vasitələri və işçi qüvvəsi cəlb etmişdir. 2011-ci ilin mart ayından avqust ayınadək layihə ərazisindən 103.7 min m3 şlam çıxarılmış, həmin sahələrə 79.4 min m3 torpaq, 25.2 min m3 isə ştib daşınaraq yayılmışdır. Bu müddət ərzində gölün ətrafında 11.5 hektar sahə neftlə çirklənmədən təmizlənmişdir.
Layihə üzrə işlər öz ahəngi ilə davam etdirilir. Hazırda 1.5 hektar ərazidə təmizləmə işləri aparılır və yaxın bir ay müddətində başa çatdırılması nəzərdə tutulmuşdur. Layihə üzrə görülmüş işlər nəticəsində Qala gölünün ətrafında ekoloji vəziyyət xeyli dərəcədə yaxşılaşmış və ərazinin landşaftı bərpa edilmişdir.
tarix : 02.08.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
