Ötən illərdə olduğu kimi, 2011-ci ildə də Elektromexanika sexinin kollektivi QSC-nin istehsalat sahələrində istismarda olan qurğu və avadanlıqlara peşəkarlıqla xidmət göstərmişlər.
Kollektivin işgüzar səyi nəticəsində təmizləyici, ötürücü və emal qurğularında vaxtaşırı cari və əsaslı təmir işləri aparılmışdır ki, bu da təmizləmə və emal proseslərinin kəmiyyət və keyfiyyətinə öz müsbət təsirini göstərmişdir. Bununla yanaşı sex tərəfindən sıradan çıxmış kommunikasiya xətləri yeniləri ilə əvəz edilmiş, QSC-nin elektrik təsərrüfatında zəruri təmir və profilaktika işləri keyfiyyətlə yerinə yetirilmişdir.
Cari ildə Elektromexanika sexinin həyata keçirdiyi əsas işlərdən biri də yeni alınmış 3 fazalı dekantor qurğusunun quraşdırılmasıdır. Bununla əlaqədar olaraq qurğunun hissələri istismar sahəsinə yerləşdirilmiş, qurğu üçün yeni su və buxar xətti çəkilmişdir. Hazırda yeni dekantor qurğusu üçün transformatorun quraşdırılması məqsədilə hazırlıq işləri görülür.
Elektromexanika sexinin peşəkar mütəxəssislərdən ibarət kollektivi, QSC-nin istehsalat sahələrində texnoloji proseslərin fasiləsizliyini təmin etmək məqsədilə əzmlə çalışmaqdadır.
tarix : 05.08.2011
|