|
2011-ci ildə “Ekol Mühəndislik Xidmətləri” QSC-nin həyata keçirdiyi ekoloji layihələrə “Balaxanıneft” NQÇİ-nin 2-ci mədən ərazisindəki 23.7 hektar neftlə çirklənmiş torpaqların rekultivasiyası və bioremediasiyası layihəsi də daxildir. QSC-nin Ekoloji Monitorinq Departamentinin apardığı monitorinq işləri nəticəsində layihə ərazisində 125 min m3-dən çox müxtəlif dərəcəli çirklənmə parametrlərinə malik neftşlam və 70 min m3-dən çox mədən axıntı sularının olduğu müəyyən edilmişdir. Çirklənmə parametrlərindən asılı olaraq 98,7 min m3 neftşlamın bioremediasiya sahəsinə daşınaraq utilizasiya olunması nəzərdə tutulmuşdur.
Cari ildə layihə işləri təqvim planına uyğun olaraq yerinə yetirilmişdir. Ərazisi 2.5 hektara qədər olan bioremediasiya sahəsində, ilkin mərhələdə neftşlam torpaqla qarışdırılmış və şumlanmışdır.
Avqustun 17-də isə bioremediasiya proseslərinin növbəti mərhələsinə, sahəyə torpaq və saman yayılmasına başlanılmışdır. Bu məqsədlə əraziyə lazımı miqdarda torpaq və saman gətirilmiş, xüsusi texnikanın və işçi qüvvəsinin köməkliyi ilə torpaq və samanın norma həddində sahəyə yayılması həyata keçirilmişdir. Sonrakı mərhələdə layihə ərazisində bioremediasiya prosesi davam etdirilərək, sahənin şumlanması üzvi və qeyri üzvi gübrələrlə təmin edilməsi işləri yerinə yetiriləcəkdir.
tarix : 22.08.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
