Xəbər verildiyi kimi neftşlamın emalı və zərərsizləşdirilməsi proseslərinin daha da təkmilləşdirilməsi məqsədilə, cari ilin əvvəlində  QSC Hollandiya-İtaliya istehsalı olan 1 ədəd 3 fazalı dekantor qurğusu almışdır. Qurğunun istismara verilməsi üçün operativ olaraq quraşdırma işlərinə başlanılmış,   qurğuya lazım olan yeni su və buxar xətləri  çəkilişdir.

    Yeni qurğunun fasiləsiz və lazımı gücdə elektrik enerjisi ilə təmin etmək  məqsədilə, 2011-ci ilin II-ci rübündə transformator binasının inşasına da başlanılmışdır. Layihə-smeta sənədləri əsasında,  QSC-nin daxili imkanları hesabına inşa edilən transformator üçün bina keyfiyyətlə və qısa zamanda başa çatdırılmışdır. Binanın tikintisində QSC-nin Layihə smeta şöbəsinin, İnzibati təsərrüfat şöbəsinin və Elektromexaniki təmir sexinin kollektivi fəal iştirak etmişlər.

    Hazırda transformator  binasında son tamamlama işləri yerinə yetirilir. Yaxın günlərdə binada son tamamlama işləri başa çatdırıldıqdan sonra transformatorların quraşdırılmasına başlanılacaqdır.

    QSC yeni qurğunun nəzərdə tutulmuş müddətdə istismara verilməsi üçün bütün lazımı tədbirləri həyata keçirir.

tarix : 27.08.2011