2011-ci ildə ARDNŞ-nin Neftqazçıxarma idarələrinin mədən ərazilərində ekoloji vəziyyətin yaxşılaşdırılmasına dair tədbirlər planında, neftlə çirklənmiş torpaqların təmizlənməsi xüsusi əhəmiyyət kəsb edir. Bununla əlaqədar olaraq, bir çox NQÇİ-nin mədən ərazilərində neftlə çirklənmiş torpaqların təmizlənməsi layihələri uğurla həyata keçirilir. Əvvəlki illərdə olduğu kimi, cari ildə də “Ekol Mühəndislik Xidmətləri” QSC bu layihələrin icra olunmasında fəal iştirak edir.
2011-ci ildə QSC-nin həyata keçirdiyi layihələrdən biri də Z.H.Tağıyev adına NQÇİ-nin 4-cü mədən ərazisində neftlə çirklənmiş torpaqların təmizlənməsi layihəsidir. Layihə üzrə ümumi sahəsi 265 hektar olan 4-cü mədən ərazisində neftlə çirklənmiş ayrı-ayrı torpaq sahələrinin təmizlənməsi nəzərdə tutulmuşdur.
QSC-nin Torpaqların Rekultivasiyası Departamenti cari ilin may ayından layihənin icrasına başlamışdır. Ərazidə neftlə çirklənmiş torpaqların təmizlənməsi texnoloji reqlamentə uyğun olaraq yerinə yetirilmiş və 75 hektara qədər ərazinin təmizlənməsi başa çatdırılmışdır. Hazırda QSC layihənin icrasını yüksək templə davam etdirir və layihənin nəzərdə tutulmuş müddətdə başa çatdırılması üçün zəruri tədbirlər həyata keçirir.
tarix : 05.09.2011
|