“Ekol Mühəndislik Xidmətləri” QSC  2011-ci ildə  icra etdiyi  ekoloji layihələrin vaxtında və keyfiyyətlə  yerinə yetirilməsi üçün  bütün zəruri tədbirləri həyata keçirir. QSC-nin cari ildə “Azneft” İB-nin sifarişi ilə  icra etdiyi  ən önəmli layihələrdən biri  isə, “H.Z.Tağıyev adına NQÇİ-nin  2 saylı  NQÇS-nin  köhnə Qala yatağının  ərazisində yerləşən, Qala gölünün ətrafında olan neftlə çirklənmiş sahələrin  təmizlənməsi işlərinin yerinə  yetirilməsi” layihəsidir.

     QSC-nin Ekoloji Monitorinq Departamentinin  apardığı monitorinq işləri nəticəsində  müəyyən edilmişdir ki, 76 hektar sahəsi olan Qala gölünün sahil xətti və ətraf sahələr uzun illərdir ki, neftlə çirklənməyə məruz qalmışdır. Bununla əlaqədar olaraq, QSC-nin Torpaqların Rekultivasiyası Departamenti mart ayında  layihənin icrasına başlamış, xüsusi texnika və işçi qüvvəsini cəlb etməklə, təqvim planına uyğun olaraq layihəni avqust ayında müvəffəqiyyətlə başa çatdırmışdır.

     Layihənin icra müddətində Qala gölünün sahil xəttindən və ətraf  ərazilərdən  120 min m3-dən çox neftşlam çıxarılaraq anbarlaşdırılmış,  əraziyə 25 min m3-dən çox ştib və 102 min m3-ə qədər torpaq daşınaraq hamarlama işləri aparılmışdır. Görülən işlər nəticəsində gölün ətrafında 24 hektar neftlə çirklənmiş  sahələr təmizlənərək  reabilitasiya olunmuşdur.

tarix : 08.09.2011