Bununla yanaşı, “Ekol Mühəndislik Xidmətləri” QSC beynəlxalq idarəetmə standartlarının digər sahələrinin də mənimsənilməsini və bu standartların tələblərinə əməl olunmasını qarşıya məqsəd qoymuşdur. Bununla əlaqədar olaraq, QSC-də ISO-9001 Keyfiyyətin İdarəedilməsi Sistemlərinin və OHSAS 18001 Əməyin Mühafizəsi və Təhlükəsizliyin İdarəetmə Sistemlərinin beynəlxalq standartlar üzrə tələblərinin mənimsənilməsi və qəbul edilməsi məqsədilə sentyabrın 12-dən kurslara başlanılmışdır.
“Ekol Mühəndislik Xidmətləri” QSC baş direktorunun əmri ilə beynəlxalq standartlar üzrə kursların keçirilməsində əsas məqsəd, QSC-də aparılan işlərin keyfiyyətini yüksəltməkdən, təhlükəsizliyini təmin etməkdən, kadrların bilik səviyyəsini artırmaqdan və iş təcrübəsini yüksəltməkdən ibarətdir.
Kursların keçirilməsi üçün Türk Standartları İnstitutundan mütəxəssis dəvət olunmuşdur. Kurslara əsasən QSC-nin istehsalat, ekologiya, təhlükəsizlik texnikası, kadrlarla iş üzrə rəhbər və mühəndis işçiləri cəlb edilmişdir. Kursların 12-16.09.2011-ci il və 19-23.09.2011-ci il tarixlərdə keçirilməsi nəzərdə tutulmuşdur.