|
“Ekol Mühəndislik xidmətləri” QSC 2011-ci ildə həyata keçirdiyi ekoloji layihələrdən biri də “Azneft” İstehsalat Birliyinin Qaraçuxur İriləşmiş Neft Mədənləri (İNM) ərazilərində neftlə çirklənmiş torpaqların təmizlənməsi layihəsidir. Uzun illər neftin hasil edilməsi ilə əlaqədar olaraq, bu ərazilərin çox hissəsi çirklənməyə məruz qalmış və ekoloji tarazlığın pozulmasına səbəb olmuşdur.
Son illərdə ARDNŞ-nin neft sənayesi sahələrində həyata keçirdiyi irimiqyaslı ekoloji layihələrin tərkib hissəsi olaraq, 2011-ci ildə “Azneft” İB Qaraçuxur İNM-nin mədən ərazilərində də ekoloji layihələrin icrasına başlamışdır. Bu layihənin yerinə yetirilməsi isə “Ekol Mühəndislik xidmətləri” QSC-nə həvalə olunmuşdur.
Bununla əlaqədar olaraq, QSC Qaraçuxur İNM-nin ərazilərində neftlə çirklənmiş torpaqların təmizlənməsini eyni zamanda 3 ayrı-ayrı layihələr üzrə həyata keçirməyə başlamışdır. İNM-nin ərazisində 1-ci layihə üzrə 4 hektar ərazi təmizlənmiş, sahəyə 50 min m3- qədər torpaq, 768 m3 isə ştib daşınaraq hamarlama işləri aparılmışdır. Bu sahədə layihənin icrası iyun ayında başlanmış və iyul ayımda başa çatdırılmışdır. 2-ci layihə üzrə 3.2 hektar ərazi çirklənmədən təmizlənmiş, sahəyə 48 min m3-ə qədər torpaq daşınaraq yayılmış, layihənin icrası iyul ayında başlayıb avqust ayında tamamlanmışdır. 3-cü layihə üzrə isə 9 hektar sahə neftlə çirklənmədən təmizlənmiş, sahəyə 318 min m3-ə qədər torpaq, 82 min m3-dən çox ştib daşınaraq hamarlama işləri yerinə yetirilmişdir. 3-cü layihənin icrasına iyun ayında başlanılmış və avqust ayında başa çatmışdır.
Bununla da, “Ekol Mühəndislik xidmətləri” QSC “Azneft” İB-nin Qaraçuxur İNM-nin mədən ərazilərində neftlə çirklənmiş torpaqların təmizlənməsi layihəsini, təqvim planına uyğun vaxtında və keyfiyyətlə icra etmiş, nəticədə ərazinin ekoloji vəziyyəti xeyli dərəcədə yaxşılaşmışdır.
tarix : 15.09.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
