Qeyd olunduğu kimi, 2009-cu ilin oktyabr ayında əvvəllər ARDNŞ-nin Ekologiya İdarəsinin balansında olmuş, Zığ qəsəbəsi, Hovsan yolu ünvanda yerləşən qeyri-yaşayış sahəsi xidməti məqsədlər üçün “Ekol Mühəndislik Xidmətləri” QSC-nin istifadəsinə verilmişdir. 2010-cu ildə bu qeyri-yaşayış sahəsinin inzibati və yardımçı binalarında müasir standartlar səviyyəsində yenidənqurma və əsaslı təmir işləri aparılmış, ətraf ərazilər abadlaşdırılmış və yaşıllaşdırma tədbirləri görülmüşdür.
2011-ci ilin əvvəlindən başlayaraq bu qeyri-yaşayış sahəsində QSC-nin Torpaqların Rekultivasiyası Departamenti (TRD) fəaliyyət göstərir. Ötən dövr ərzində TRD-nin inzibati binasının ətraf ərazilərində yaşıllaşdırma tədbirlərinə xüsusi diqqət yetirilmişdir. Bu ərazilərdə qazonlar salınmış, 2 500 ədəddən çox mühitə davamlı müxtəlif növ ağac və gül kolları əkilmişdir.
Hər il olduğu kimi, cari ildə də TRD mövsümü ağac əkmə kompaniyasına hazırlıq məqsədilə müvafiq tədbirlər həyata keçirir. Hazırda ağac əkiləcək yerlərdə planlama və qazma işləri yerinə yetirilir. Bu mövsümdə boş qalmış sahələrdə kifayət qədər mühitə davamlı ağacların əkilməsi nəzərdə tutulur.
tarix : 15.11.2011
|