|
“Ekol Mühəndislik Xidmətləri” QSC öz maddi texniki bazasının gücləndirilməsi və nanotexnologiyaların istehsalata tətbiqi istiqamətində daimi məqsədyönlü tədbirlər həyata keçirir. Bu tədbirlər çərçivəsində neftşlamın emalı və zərərsizləşdirilməsi, sənaye-çirkab sularının və neftlə çirklənmiş torpaqların təmizlənməsi sahəsində artıq dünyanın bir çox tanınmış şirkətlərinin istehsalı olan qurğular uğurla QSC-nin istehsalat sahələrinə tətbiq edilmiş və müsbət nəticələr əldə olunmuşdur.
Bununla yanaşı, “Ekol Mühəndislik Xidmətləri” QSC dünyanın qabaqcıl ölkələrində istehsal olunan, iqtisadi və ekoloji cəhətdən daha səmərəli və daha məhsuldar qurğuların əldə olunması və istehsalata tətbiqi sahəsində axtarışlarını davam etdirir. Bu məqsədlə QSC-nin baş direktorunun istehsalat üzrə müavini-texniki direktor Məzahir Hüseynov, baş direktorun SƏTƏM üzrə müavini Rəşad İsmayılov və Marketinq və xarici iqtisadi əlaqələr şöbəsinin rəisi Rövşən Fətullayev noyabrın 17-dən 19-dək Qazaxıstan Respublikasının Aktau şəhərində xidməti ezamiyyətdə olmuşlar.
Ezamiyyə müddətində QSC nümayəndələri Almaniyanın Flottweg Şirkətinin Qazaxıstan nümayəndəsi Frank Ropertzin təqdimatı ilə məhsuldarlığı 20 m3/saat olan Trikantr qurğusu ilə tanış olmuşlar. Sonra QSC nümayəndələri Flottweg Şirkətinin nümayəndəsi ilə birlikdə, “Munay-Ecology Company” LLP şirkətinin Uzen şəhərindəki istehsalat sahəsində istismarda olan Trikantor qurğusuna baxış keçirmişlər. Qurğunun iş prinsipi, məhsuldarlığı və texniki göstəriciləri QSC nümayəndələrinin marağına səbəb olmuşdur.
Sonda Trikantor qurğusunun Azərbaycan şəraitində istifadəsinin mümkün variantlarının müzakirə olunması və qarşılıqlı əlaqələrin genişləndirilməsi məqsədilə, QSC nümayəndələri Almaniyanın Flottweg Şirkətinin nümayəndələrini bu ilin dekabr ayında Bakıya dəvət etmişlər.
tarix : 22.11.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
