Xidmətlərimiz
|
|
|
|
“Ekol Mühəndislik Xidmətləri” QSC-nin istehsalat sahəsindəki yarımstansiyada yenidənqurma işləri həyata keçirilmişdir
|
“Ekol Mühəndislik Xidmətləri” QSC-nin “Sifarişçi” təşkilatlarla olan müqavilə öhdəliklərinin vaxtında və keyfiyyətlə yerinə yetirməsində elektrik enerjisinin, qaz və su təchizatının fasiləsizliyi əsas şərtlərdən biridir. Bununla əlaqədar olaraq, QSC-nin istehsalat sahələrində uzun illər istismarda olan elektrik təsərrüfatının yenidən qurulması, qaz, su və hava xətlərinin yenisi ilə əvəz edilməsi istiqamətində məqsədli tədbirlər həyata keçirilir.
2011-ci ilin ötən dövründə də bu istiqamətdə məqsədyönlü işlər yerinə yetirilmişdir. Yeni 3 fazalı dekantr qurğusu üçün avtonom yarımstansiya tikilərək istifadəyə verilmiş, müasir qurğu və avadanlıqlarla təchiz edilmişdir. Qurğu üçün əlavə su və hava xətlərinin çəkilişi də başa çatdırılmışdır.
Cari ildə yerinə yetirilən işlər sırasında, əsas istehsalat sahələrini elektrik enerjisi ilə təmin edən 30 saylı yarımstansiyanın yenidən qurulması xüsusilə əhəmiyyətlidir. Görülən tədbirlər nəticəsində yarımstansiyada olan köhnə AVM tipli qurğu və avadanlıqlar Almaniya istehsalı olan, müasir standartlara cavab verən “Şalter” tipli açar və “Siemens” tipli avtomatlarla əvəz edilmiş, yeni kabel xətləri çəkilmişdir. Gücü 6-04 kva olan yarımstansiyada ümumilikdə 90 ədəd avtomat açar və cərəyan transformatorları dəyişdirilmişdir. Bununla da, QSC-nin Heydər Əliyev adına BNEZ-nun 9-cu sexinin ərazisindəki istehsalat sahələrində elektrik enerjisinin verilməsi xeyli dərəcədə yaxşılaşdırılmış və itkilərin qarşısı alınmışdır.
tarix : 30.11.2011
|
|
|
|
|
|
|