|
Qeyd edildiyi kimi, “Ekol Mühəndislik Xidmətləri” QSC ilk illərdən öz fəaliyyətini beynəlxalq standartlar səviyyəsində qurmaq üçün ardıcıl tədbirlər həyata keçirir. QSC 2007-ci ildə TSE-ISO-EN-14001 standartlarını qəbul etmiş, beynəlxalq idarəetmə sistemlərinin digər sahələrinin də qəbul edilməsini və bu standartların tələblərinə əməl olunmasını qarşıya məqsəd qoymuşdur. Bununla əlaqədar olaraq, İSO-9001 Keyfiyyətin İdarəedilməsi Sistemlərinin və OHSAS 18001 Əməyin Mühafizəsi və Təhlükəsizliyin İdarəetmə Sistemlərinin beynəlxalq standartlar üzrə tələblərinin mənimsənilməsi məqsədilə, 2011-ci ilin sentyabr ayında QSC-də kurslar təşkil olunmuşdur. Türk Standartları İnstitutunun mütəxəssisi tərəfindən xüsusi proqramla tədris edilən kurslarda QSC-nin istehsalat, ekologiya, təhlükəsizlik texnikası, kadrlarla iş üzrə rəhbər və mühəndis işçiləri iştirak etmiş və sertifikatlar almışlar.
Keçirilmiş kurslardan sonra, mövcud beynəlxalq standartların qəbul olunması və “Ekol Mühəndislik Xidmətləri” QSC-nin istehsalat sahələrinə tətbiq edilməsi məqsədilə, Cəmiyyətin strategiyasından irəli gələn növbəti tədbirlər həyata keçirilmişdir. QSC-nin baş direktorunun əmri ilə işçi qrupu tərəfindən İSO 9001 -Keyfiyyət, İSO 14001- Ətraf mühitin mühafizəsi, OHSAS 18001- Əməyin mühafizəsi və təhlükəsizliyi beynəlxalq idarəetmə sistemlərinin tələblərinə əsasən rəhbər sənədlərin hazırlanması işləri yerinə yetirilmişdir. Artıq “Keyfiyyət, Ətraf mühitin mühafizəsi”, “Əməyin mühafizəsi və təhlükəsizliyi”, “Siyasət”, “Sənədləşdirmə və qeydlərə nəzarət”, “Daxili audit”, “Uyğun olmayan məhsula nəzarət”, “Düzəldici və önləyici fəaliyyət” proseduraları hazırlanmışdır. Bu sənədlərin tələblərinin icrasını təmin etmək məqsədilə, Ekoloji monitorinq departamentinin rəhbər işçiləri tərəfindən mərhələli şəkildə QSC-nin struktur bölmələrində çalışan işçi personalın maarifləndirilməsi işləri aparılır.
Beynəlxalq Standartlar sahəsində maarifləndirmə tədbirləri QSC-nin Tullantıların emalı departamentinin 6-cı sahəsində (Heydər Əliyev adına BNEZ-nun 9-cu sexinin ərazisi), 7-ci sahəsində (“Azərneftyağ” NEZ-nun ərazisi) və QSC-nin baş ofisində ardıcıl olaraq keçirilmişdir. Maarifləndirmə tədbirlərini təşkil edən Ekoloji monitorinq departamentinin rəisi Şahabiddin Albuşov, departamentin rəis müavini Natella Şəfiyeva və mühəndis Elməddin Hüseynov QSC-nin həyata keçirdiyi ekoloji layihələrin təhlükəsiz, keyfiyyətli və ətraf mühitə zərər vermədən yerinə yetirilməsində beynəlxalq standartların rolunu işçi personalın diqqətinə çatdırmış və idarəetmə proseduralarını onlara ətraflı izah etmişlər.
QSC-də beynəlxalq standartların qəbul edilməsi və istehsalata tətbiqi sahəsində hazırlıq işləri davam etdirilir.
tarix : 06.12.2011
|
ana səhifə
Satınalma
əlaqə
Futzal
Alternativ Enerji
Bu maraqlıdır
