ARDNŞ-nin  neft sənayesi sahələrində ekoloji vəziyyətin yaxşılaşdırılması, xüsusilə NQÇİ-nin mədən ərazilərində neftlə çirklənmiş torpaqların təmizlənməsi sahəsində kompleks tədbirlərin həyata keçirilməsi uğurla davam etdirilir. Bu tədbirlərin  yerinə yetirilməsində yaxından iştirak edən “Ekol Mühəndislik Xidmətləri” QSC,  2011-ci ildə  bir sıra prioritet layihələrin icrasını yüksək səviyyədə təmin etmişdir.

     Hazırda QSC “Azneft” İstehsalat Birliyinin  H.Z.Tağıyev adına NQÇİ-nin  4-cü   və “Balaxanıneft” NQÇİ-nin  7-ci mədən ərazilərində, eləcə də Bakı Ağ Şəhər layihəsinin  “Yaşıl ada”  sahəsində köhnəlmiş neft sənaye obyektlərindən  neftşlamın  çıxarılaraq anbarlaşdırılması və ərazidəki neftlə çirklənmiş torpaqların  təmizlənməsi işlərini yüksək templə davam etdirir.

   Bununla yanaşı, QSC cari ilin dekabr ayının əvvəlindən “Balaxanıneft”       NQÇİ-nin  2-ci və 8-ci mədən ərazilərində (Balaxanı-Binəqədi yolunun ətrafı),  11 hektara qədər sahədə neftlə çirklənmiş torpaqların təmizlənməsi layihəsini icra etmiş və artıq layihə başa çatmaq üzrədir. İcra müddətində layihə ərazisinə 70  min m3-ə qədər torpaq daşınmış və hamarlama işləri aparılmışdır.

tarix : 16.12.2011