“Ekol Mühəndislik Xidmətləri” QSC öz fəaliyyətində mühüm  ekoloji layihələri yerinə yetirməklə yanaşı,  istehsalat sahələrinin abadlaşdırılması və yenidənqurma  işlərinin  həyata keçirilməsi istiqamətində də  əsaslı  tədbirlər görür.   

Qeyd olunduğu kimi, 2011-ci ildə  QSC-nin Tullantıların emalı departamentinin (TED) 6-ci (Heydər Əliyev adına BNEZ-nun 9-cu sexinin ərazisi) və 7-ci (“Azərneftyağ” NEZ-nun 8-ci sexinin ərazisi)  sahələrində  əhəmiyyətli dərəcədə təmir tikinti və abadlaşdırma işləri həyata keçirilmişdir.

    Cari ildə  TED-nin 6-cı sahəsində  yeni  3 fazalı dekantr qurğusu üçün   transformator  binası tikilib istifadəyə verilmiş, sahədəki elektrik yarımstansiyası  və ümumi stend yenidən qurulmuşdur. Eyni zamanda, TED-nin 6-cı və 7-ci sahələrindəki  bir çox  qurğularda, eləcə də inzibati və yardımçı binalarda  cari təmir işləri yerinə yetirilmişdir.

    Hazırda TED-nin 6-cı sahəsinin ərazisindəki Nəqliyyat sexində qarajın rekonstruksiya işləri həyata keçirilir.  QSC-nin nəqliyyat vasitələrinin artması ilə əlaqədar olaraq,  qarajın 200 m2-ə qədər genişləndirilməsi  və bu işlərin 2012-ci ilin I-ci rübündə başa çatdırılması nəzərdə tutulmuşdur. Bununla yanaşı, 6-cı sahədə  sanitar qovşağın təmir olunması, daxili yolların asfalt örtüyünün və bordürlərin dəyişdirilməsi  istiqamətində də işlər görülür.

   “Ekol Mühəndislik Xidmətləri” QSC-nin istehsalat sahələrinin abadlaşdırılması və zəruri təmir-tikinti işlərinin yerinə yetirilməsi daimi diqqət mərkəzindədir və bu tədbirlər bundan sonra da mütəmadi  olaraq həyata keçiriləcəkdir.

tarix : 19.12.2011