Xidmətlərimiz
|
|
|
|
H.Z.Tağıyev adına NQÇİ-nin 4-cü mədən ərazisində QSC-nin həyata keçirdiyi ekoloji layihənin icrası başa çatmışdır
|
Respublikamızın ərazisində, xüsusilə neft sənayesi sahələrində ekoloji vəziyyətin yaxşılaşdırılması hazırda ən önəmli məsələlərdən biridir. Bununla əlaqədar olaraq, ARDNŞ neft sənayesi sahələrində neftlə çirklənmiş torpaqların təmizlənməsi məqsədilə zəruri tədbirlər həyata keçirir. Bu tədbirlərin yerinə yetirilməsində isə “Ekol Mühəndislik Xidmətləri” QSC yaxından iştirak edir və əhəmiyyətli işlər görür.
2011-ci ildə QSC-nin həyata keçirdiyi ekoloji layihələr sırasına “Azneft” İB-nin H.Z.Tağıyev adına NQÇİ-nin 4-cü mədən ərazisində (Buzovna qəsəbəsi) neftlə çirklənmiş torpaqların təmizlənməsi layihəsi də daxildir. Ümumi sahəsi 265 hektar olan bu layihə ərazisində 124 hektara qədər sahə müxtəlif dərəcədə neftlə çirklənməyə məruz qalmışdır.
QSC cari ilin may ayında H.Z.Tağıyev adına NQÇİ-nin 4-cü mədən ərazisində layihənin icrasına başlamışdır. İcra müddətində layihə ərazisinə 522 min m3 ştib, 293 min m3 isə torpaq daşınaraq ərazidə hamarlama işləri aparılmış və çirklənməyə məruz qalmış 124 hektar sahə tamamilə təmizlənmişdir. Nəticədə, əsasən yaşayış məntəqələri ilə əhatə olunmuş layihə ərazisinin landşaftı bərpa edilmiş, ərazinin ekoloji vəziyyəti xeyli dərəcədə yaxşılaşmışdır. Layihənin icrası dekabrın 22-də başa çatdırılmışdır.
“Ekol Mühəndislik Xidmətləri” QSC digər ekoloji layihələrin icrasını davam etdirir.
tarix : 26.12.2011
|
|
|
|
|
|
|