Dekabrın 29-da “Ekol Mühəndislik Xidmətləri” QSC-nin baş ofisində rəhbərliyin və kollektivin iştirakı ilə Dünya Azərbaycanlılarının Həmrəylik Günü və Yeni İl Bayramı münasibətilə tədbir keçirilmişdir. Tədbiri giriş sözü ilə açan QSC-nin baş direktoru Ramil Əliyev yola saldığımız 2011-ci ilin ümumilikdə respublikamız üçün, o cümlədən müəssisəmiz üçün çox uğurlu il olduğunu qeyd edərək, il ərzində əldə olunan nailiyyətlər barədə tədbir iştirakçılarına qısa məlumat verdi.
Ramil Əliyev çıxışına davam edərək bildirdi ki, 1991-ci il dekabrın 16-da ulu öndərimiz Heydər Əliyevin rəhbərliyi ilə Naxçıvan Muxtar Respublikası Ali Məclisinin sessiyası Milli Həmrəylik və Birlik Gününü təsis etdi və bu günün hər il dekabrın 31-də qeyd olunması qərara alındı. Həmin ildə dekabrın 26-da isə Azərbaycan Respublikası Ali Sovetinin Milli Şurası hər ilin 31 dekabrın Dünya Azərbaycanlılarının Həmrəylik Günü kimi qeyd olunması barədə qərara qəbul etdi.
Ramil Əliyev Dünya Azərbaycanlılarının Həmrəylik Gününün qeyd edilməsi bütün dünya azərbaycanlıları tərəfindən artıq bir zərurətə və mənəvi ehtiyaca çevrildiyini vurğuladı. O, bildirdi ki, bu bayram dünyanın 70-dən çox ölkəsində azərbaycanlılar tərəfindən qeyd olunur. Həmrəylik ayrı-ayrı cəmiyyət üzvləri üçün bir araya gəlmək, cəmiyyət və qurumlar halında birləşmək baxımından mühüm əhəmiyyət kəsb edir. Odur ki, mən kollektivimizin hər bir üzvünü Dünya Azərbaycanlılarının Həmrəylik Günü və Yeni İl Bayramı münasibətilə səmimi qəlbdən təbrik edir, can sağlığı, ailə səadəti və şərəfli fəaliyyətinizdə uğurlar diləyirəm. Sizi doğma vətənimiz Azərbaycanın bütün sahələrdə güclü, inkişaf etmiş bir ölkəyə çevrilməsi üçün qüvvələrimizi birləşdirməyə, vətən qarşısında öz borcumuzu şərəflə yerinə yetirməyə çağırıram.
Tədbirdə çıxış edənlər, baş direktorun istehsalat üzrə müavini-texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, Maliyyə və uçot departamentinin rəisi Əli Bağışov, Ekoloji monitorinq departamentinin rəisi Şahabiddin Albuşov, İctimai sosial şöbənin rəisi Fəxrəddin Quliyev və başqaları çıxış edərək bayram münasibətilə kollektivi təbrik etdilər. Çıxış edənlər bildirdilər ki, 31 dekabr-Dünya Azərbaycanlılarının Həmrəylik günü Azərbaycan millətinin birlik şüarının simvolik günüdür. Bu bayram ayrı-ayrı ölkələrdə yaşayan azərbaycanlıların əlaqələr qurmaq, onlar arasında birlik və həmrəylik yaratmaq işində mühüm rol oynayır.
tarix : 29.12.2011
|