İcra müddətində QSC-nin Torpaqların rekultivasiyası departamenti tərəfindən “Abşeronneft” NQÇİ-nin  mədən ərazisində  10 hektar bioremediasiya sahəsində 38.6 min m3, “Balaxanınbeft” NQÇİ-nin 2-ci mədən ərazisində 2 hektar bioremediasiya sahəsində 4.4 min m3, Kürdaxanı ərazisində  5 hektar bioremediasiya sahəsində 25.3 min m3, Ə.Əmirov adına NQÇİ-nin mədən ərazisində isə  5 hektar bioremediasiya sahəsində  9.4 min m3 neftşlamın  bioremediasiyası aparılmışdır. Ümumilikdə qeyd olunan ərazilərdən çıxarılmış 77.7 min m3 neftşlam mövcud aqrotexniki qaydalarla bioremediasiya olunaraq zərərsizləşdirilmişdir ki, bu da həmin ərazilərdə ekoloji vəziyyətin yaxşılaşdırılmasına öz müsbət təsirini göstərmişdir.

     Bununla da, 2011-ci ildə “Ekol Mühəndislik Xidmətləri” QSC Abşeronneft”, “Balaxanıneft” və Ə.Əmirov adına NQÇİ-nin mədən ərazilərində həyata keçirdiyi,  neftlə çirklənmiş torpaqların rekultivasiyası və bioremediasiyası layihələrinin   son mərhələsinin icrasını da başa çatdırmışdır.