2011-ci ildə QSC-nin icra etdiyi ekoloji layihələrdən biri də H.Z.Tağıyev adına NQÇİ-nin mədən ərazilərində neftlə çirklənmiş torpaqların təmizlənməsi layihəsidir. NQÇİ-nin 4-cü mədən ərazisində ümumi sahəsi 265 hektar olmaqla, 150 hektara qədər sahə müxtəlif dərəcədə çirklənməyə məruz qalmışdır. QSC bu layihənin icrasına  iki istiqamətdə, Buzovna və Maştağa  sahələrində həyata keçirməklə başlamış, ötən ilin dekabr ayında Buzovna ərazisində  çirklənməyə məruz qalmış 124 hektar sahəni tamamilə təmizləyərək “Sifarişçi”yə təhvil vermişdir.

         Layihənin Maştağa sahəsi üzrə işlər isə hazırda davam etdirilir. H.Z.Tağıyev adına NQÇİ-nin 4-cü  mədən ərazisinin Maştağa sahəsində 20 hektara qədər ərazinin neftlə çirklənmədən təmizlənməsi nəzərdə tutulmuşdur. Ötən ildən icrasına başlanmış bu əraziyə 90 min m3-ə qədər torpaq daşınmış, 9 hektara qədər sahə çirklənmədən  təmizlənmişdir.

        H.Z.Tağıyev adına NQÇİ-nin Maştağa sahəsində layihənin icrası intensiv olaraq davam etdirilir.

tarix : 09.01.2012