“Ekol Mühəndislik Xidmətləri” QSC-nin Ekoloji monitorinq departamenti (EMD) 2011-ci ildə də “Sifarişçi” təşkilatların müqavilə öhdəliklərini layiqincə yerinə yetirmişdir. Ötən il EMD ARDNŞ-nin “Azneft” İstehsalat Birliyinin ”28 May”, “Neft Daşları”, “Balaxanıneft”, “Abşeronneft” və N.Nərimanov adına NQÇİ-nin, eləcə də “Kompleks Qazma İşləri” Trestinin “Abşeron” Qİ-nin, “Qazmaservis və loqistika” İdarəsinin, “Qobustan” KQİİ-nin və Tamponaj İdarəsinin istehsalat sahələrində hər rübdə analitik nəzarət və monitorinq işlərini uğurla həyata keçirmişdir.
2011-ci ildə EMD-nin Normativ-texniki sənədlərlə iş şöbəsi ARDNŞ-nin Sosial İnkişaf İdarəsinin Şirvan və Lənkəran Müalicə Diaqnostika Mərkəzlərinin, Mənzil Kommunal Xidmətləri Departamentinin, “Azneft” İstehsalat Birliyinin “Bibiheybətneft”, “Neft Daşları”, N.Nərimanov adına NQÇİ-nin, həmçinin Qaraçuxur və Muradxanlı İriləşmiş Neft Mədənlərinin, eləcə də “Bahar Energy Operating Company Limited”in 20-yə qədər ekoloji normativ texniki sənədlərinin işlənib hazırlanması sahəsində məhsuldar fəaliyyət göstərmiş və şöbənin qarşısında duran vəzifələrin həllinə nail olmuşdur.
Ötən il Ekoloji monitorinq departamentinin Kompleks tədqiqatlar laboratoriyasının (KTL) fəaliyyəti də qənaətbəxş olmuşdur. KTL istər QSC-nin, istərsə də “Sifarişçi” təşkilatların istehsalat sahələrində nümunələrin götürülməsi və analitik təhlillərin aparılması vaxtlı-vaxtında və keyfiyyətlə yerinə yetirilmişdir.
Hazırda QSC-nin Ekoloji monitorinq departamenti bütün sahələr üzrə fəaliyyətini yüksək templə davam etdirir.
tarix : 08.02.2012
|