“Ekol Mühəndislik Xidmətləri” QSC-də ekoloji layihələrin vaxtında, keyfiyyətlə yerinə yetirilməsində və istehsalat proseslərinin fasiləsizliyinin təmin edilməsində QSC-nin digər struktur bölmələri ilə yanaşı Nəqliyyat sexinin (NS) də rolu böyükdür. Ötən illərdə olduğu kimi 2011-ci ildə də NS istifadəsində olan nəqliyyat vasitələrə və xüsusi texnikaları ilə istehsalat sahələrində məqsədyönlü fəaliyyət göstərmişdir.
Ötən il NS-nin lilsovuran nəqliyyat vasitələri ilə, QSC-nin “Sifarişçi” təşkilatlarından olan “Suraxanı OyL Operation Company S.A.” şirkətinin, İxtisaslaşmış Dəniz Neft Donanması İdarəsinin, Dövlət Xəzər Dəniz Gəmiçiliyi İdarəsinin və ARDNŞ-nin Ekologiya İdarəsinin istehsalat sahələrindən QSC-nin təmizləyici qurğularına 27.5 min m3-ə qədər çirkab suları daşınmışdır.
2011-ci ildə “Ekol Mühəndislik Xidmətləri” QSC-nin “Abşeronneft”, “Balaxanıneft”, H.Z.Tağıyev adına NQÇİ-nin mədən ərazilərində və “Azneft” İB-nin Qaraçuxur İNMM-də həyata keçirdiyi ekoloji layihələrin icrasında, NS-nin xüsusi texnikalarından yetərincə istifadə olunmuş və uğurlu nəticələr əldə edilmişdir.
İl ərzində lilsovuran nəqliyyat vasitələri ilə ARDNŞ-nin Neft Kəmərləri idarəsinə 252 maşın/saat xidmət göstərilmişdir. QSC-nin H.Əliyev adına BNEZ-nun və “Azərneftyağ” NEZ-nun istehsalat sahələrində istismarda olan dekantr qurğuları ilə şlamın emalı proseslərində formalaşan 27.8 min ton torpağın NS-nin texniki vasitələri ilə xüsusi sahələrə daşınması təmin olunmuşdur. Yeni alınmış Ford Truck (su maşını) vasitəsilə H.Z.Tağıyev adına NQÇİ-nin Qala və Buzovna sahələrinə, eləcə də A-4 sahəsinə 217 m3-ə qədər su daşınmışdır.
2011-ci ildə Nəqliyyat sexinin texniki bazasının gücləndirilməsi sahəsində də məqsədli tədbirlər görülmüşdür. İl ərzində 1 ədəd çoxfunksiyalı ekskavator, 1 ədəd ağır yük qaldıran avtoyükləyici, 5 ədəd isə “Chevrolet/Colorado” markalı Pikap avtomobillər alınaraq istismara verilmişdir. Texniki-normativ qaydalara uyğun olaraq avtomobillərə texniki xidmət göstərilməsi, onların xəttə saz və təmiz vəziyyətdə çıxması, gündəlik yanacaq və yol vərəqələri ilə təmin olunması işləri də vaxtında və lazımınca yerinə yetirilmişdir.
tarix : 21.02.2012
|