Beynəlxalq Mülki Müdafiə Təşkilatının təşəbbüsü ilə hər il bütün dünyada mart ayının ilk günü “Ümumdünya Mülki Müdafiə Günü” kimi qeyd olunur. Təşkilatın üzvü olan Azərbaycan Respublikasında da bu əlamətdar gün münasibətilə silsilə tədbirlər həyata keçirilir.
01 mart 2012-ci il tarixdə “Ekol Mühəndislik Xidmətləri” QSC-də də 1 Mart Ümumdünya Mülki Müdafiə Günü qeyd olunmuşdur. Nizami rayon Fövqəladə Hallar və Mülki Müdafiə şöbəsinin təsdiq etdiyi tədbirlər planına uyğun olaraq, QSC-nin bütün istehsalat sahələrinə bu tədbir barədə xəbərdarlıq rabitə vasitəsilə çatdırılmış, foto sərgilər təşkil olunmuş və MM manqaları ilə birgə toplantılar keçirilmişdir.
Tədbirdə Azərbaycan Respublikası Fövqəladə Hallar Nazirliyinin Mülki Müdafiə Baş İdarəsinin təsdiq etdiyi “Mülki Müdafiədə Səhiyyə” mövzusunda müzakirələr aparılmışdır. MM qərargahının rəisi Manqa komandirləri və başqaları öz çıxışlarında sanitar məntəqələrində İlk Tibbi Yardım manqasının rolundan ətraflı danışmış və onlara bu işlərdə daha da məsuliyyətli olmalarını tövsiyə etmişlər.
Sonda Mülki Müdafiə Qərargahının rəisi Səbuhi Veysəlov qarşıda duran vəzifələr və bu istiqamətdə görülən işlər barədə tədbir iştirakçılarına geniş məlumat vermişdir.
tarix : 02.03.2012
|