Belə ki, ötən ilin IV-cü rübündə təmirinə başlanmış QSC-nin O.Vəliyev 1 ünvandakı inzibati binasının sanitar qovşağı yüksək səviyyədə təmir edilərək istismara verilmişdir. 2011-ci ildə QSC-nin Nəqliyyat sexində xüsusi texnika və nəqliyyat vasitələrinin artması və texniki xidmətin yaxşılaşdırılması məqsədilə qaraj kompleksində yeni yuyucu və texniki baxış kameralarının tikintisinə başlanmışdır. Hazırda bu obyektdə tikinti işləri yüksək templə yerinə yetirilir.
“Ekol Mühəndislik Xidmətləri” QSC-nin Tullantıların emalı departamentinin 6-cı sahəsindəki ( Heydər Əliyev adına BNEZ-nun 9-cu sexinin ərazisi) mexaniki təmizləmə qurğularının II-ci sistemində olan nasosxana binasında da təmir işləri təqvim planına uyğun olaraq aparılır. Təmir müddətində nasosxana binasının qapı və pəncərələri dəyişdirilmiş, daxili və fasad divarları yenidən suvanmış və digər zəruri təmir işləri yerinə yetirilmişdir. TED-nin 6-cı sahəsində qumtutucuların təmiri də QSC-nin təmir-tikinti və abadlaşdırma tədbirləri sırasındadır. Qeyd edək ki, sənaye-çirkab suların təmizlənməsində qumtutucuların rolu əhəmiyyətli dərəcədə böyükdür.
Cari təmir və abadlaşdırma işləri TED-nin 7-ci sahəsində (“Azərneftyağ” NEZ-nun 8-ci sahəsi) də həyata keçirilmişdir. Müvafiq dövr ərzində bu sahədə 4 əməliyyatçı otağının dam örtükləri dəyişdirilmiş və otaqlarda cari təmir işləri aparılmışdır.
Hazırda QSC-nin istehsalat sahələrində abadlaşdırma, zəruri təmir-tikinti işləri, həmçinin daxili yolların asfalt örtüyünün və bordürlərin dəyişdirilməsi istiqamətində işlər davam etdirilir.