Ramil Əliyev bildirmişdir ki, sovet ideologiyasının tüğyan  etdiyi dövrlərdə bu bayrama qadağalar qoyulsa da, xalqımız adət-ənənəsini  yaşatmağı bacarmışdır. Əsrlər boyu hər bir azərbaycanlı ailəsində yaşanan  Novruz bayramı respublikamızın müstəqillik əldə etməsi ilə artıq neçə ildir ki,  dövlət səviyyəsində qeyd olunur.

    Ümummilli lider Heydər Əliyev Novruz bayramını xalqımızı tarixən bütövləşdirən, onun varlığını birlik, bütövlük və yaşam  gücü ilə qidalandıran  fenomen kimi qiymətləndirmişdir. Bu  milli tarixi nailiyyət Azərbaycan Prezidenti İlham Əliyev  tərəfindən də aydın  və birmənalı şəkildə təsdiq olunmuşdur.

    Bu günlərdə Novruz şənlikləri ölkəmizin hər yerində, eləcə də soydaşlarımızın yaşadığı müxtəlif xarici ölkələrdə də geniş şəkildə qeyd edilir. Bu mərasimlərdə yaranan  xoş ünsiyyət insanları bir-birinə  daha da  yaxınlaşdırır. Hər bir soydaşımızda milli mənlik şüurunu,  azərbaycançılıq hisslərini və duyğularını gücləndirir.

    Çıxışının sonunda baş direktoru Ramil Əliyev kollektivi Novruz  bayramı münasibətilə təbrik edərək, onlara can sağlığı, bol ruzi-bərəkət və işlərində müvəffəqiyyətlər arzulamışdır. Tədbirdə çıxış edən baş direktorun müavinləri Məzahir Hüseynov, Rəşad İsmayılov, İqtisadiyyat və uçot idarəsinin rəisi Əli Bağışov və başqaları da  tədbir iştirakçılarını bayram münasibətilə təbrik edərək onlara xoş arzularını bildirmişlər.

    Novruz bayramı münasibətilə QSC-də  digər mədəni-kütləvi tədbirlər də keçirilmişdir.