Baharın gəlişi ilə torpağın oyanması bağ - bağçalarda və yaşıllıq sahələrində bir canlanma yaradıb. İndi bütün bağçılıq təsərrüfatlarında ağacların budanması, yeni ağacların əkilməsi və sahələrdə abadlıq işlərinin aparılması istiqamətində müvafiq tədbirlər görülür.
“Ekol Mühəndislik Xidmətləri” QSC-nin istehsalat sahələrində də mövsümü işlərə başlanmışdır. Hazırda QSC-nin Zığ qəsəbəsi, Hovsan yolu ünvanında yerləşən Torpaqların rekultivasiyası departamentinin inzibati binasının ərazisində, həmçinin O.Vəliyev 1 ünvandakı yaşıllıq sahəsində və xidmət göstərdiyin digər yaşıllaşdırma ərazilərində də qızğın iş gedir. Yaz mövsümü ilə əlaqədar olaraq zəruri təsərrüfat işləri görülür, ağaclar budanır, yeni ağaclar əkilir və sahələr abadlaşdırılır.
Tinglik təsərrüfatımda da mövsümə hazırlıq işləri başa çatdırılmışdır. Bu yaz sahələrə əkilməsi üçün yüzlərlə ağac və gül kollarının tingləri hazırlanmışdır. Bitkilərin il ərzində optimal suvarılması, mühafizə edilməsi və gübrə ilə təmin olunması məqsədilə bütün qabaqlayıcı tədbirlər görülmüşdür.
“Ekol Mühəndislik Xidmətləri” QSC-nin xidmət göstərdiyi “Bibiheybətneft”, “Abşeronneft” və N.Z.Tağıyev adına NQÇİ-nin (Qala sahəsi) mədən ərazilərində, eləcə də ARDNŞ-ni Qaz Emalı Zavodunun ərazisində olan yaşıllıq sahələrində də mövsümü işlərə start verilmişdir.
tarix : 27.03.2012
|