|
Artıq 13 ildir ki, Birləşmiş Ərəb Əmirliklərinin Dubay şəhərində su təchizatı, enerji, texnologiyalar və ətraf mühit üzrə sərgi Dubay şəhərinin elektrik enerjisi və su təchizatı Xidmətləri tərəfindən uğurla keçirilir. Hər il bu sərgiyə neft sənayesi, energetika, ekologiya, ticarət və digər sahələr üzrə dünyanın 700-dən çox milli və beynəlxalq şirkətləri, dövlət orqanlarının təmsilçiləri, assosiasiyalar və sponsorlar qatılırlar.
Növbəti “Su təchizatı, enerji, texnologiya və ətraf mühit barədə WETEX 2012” sərgisi mart ayında Dubay hakiminin müavini, Maliyyə naziri əlahəzrət Şeyx Xəmdan Bin Rəşid Əl Məktumun hamiliyi ilə təşkil olunmuş və Dubay şəhərinin Beynəlxalq sərgi mərkəzində keçirilmişdir. Sərgidə dünyanın qabaqcıl şirkətlərinin su təchizatı, enerji, texnologiya və ətraf mühit sahəsində müasir qurğu və avadanlıqları nümayiş etdirilmişdir. “Su təchizatı, enerji, texnologiya və ətraf mühit barədə WETEX 2012” sərgisində “Ekol Mühəndislik Xidmətləri” QSC-nin nümayəndələri, baş direktorun SƏTƏM üzrə müavini Rəşad İsmayılov, Marketinq və xarici iqtisadi əlaqələr şöbəsinin rəisi Rövşən Fətullayev də iştirak etmişlər. QSC nümayəndələri müvafiq şirkətlərin qurğu və texnologiyaları ilə yaxından tanış olmuş, analoji şirkətlərin nümayəndələri ilə fikir mübadiləsi aparmışlar. Üç gün davam edən sərgidə təmsilçilərimiz kifayət qədər maraqlı məlumatlar əldə etmişlər.
tarix : 29.03.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
