|
“Ekol Mühəndislik Xidmətləri” QSC fəaliyyətinin beynəlxalq standartlar səviyyəsində qurulması və Avropaya inteqrasiya edilməsi istiqamətində davamlı siyasət və məqsədyönlü tədbirlər həyata keçirir. Əsas fəaliyyəti ekoloji yönümlü olduğundan fəaliyyətinin ilk illərində (2007-ci ildə) QSC İSO 14001 “Ekologiya İdarəetmə Sistemi”ni qəbul etmiş və fəaliyyətini bu standartların tələbləri səviyyəsində qurmuşdur.
İllər keçdikcə özünü modern bir şirkət kimi təsdiq edən “Ekol Mühəndislik Xidmətləri” QSC davamlı inkişaf ilə digər beynəlxalq idarəetmə sistemlərinin də istehsalata tətbiq olunmasına zəruri ehtiyac yaranmışdır. Bununla əlaqədar olaraq, Keyfiyyət (İSO-9001) və OHSAS 18001 Əməyin Mühafizəsi və Təhlükəsizliyi (OHSAS 18001) İdarəetmə Sistemlərinin qəbul edilməsinə qərar verilmişdir. Bu məqsədlə ötən ilin sentyabr ayından qeyd olunan standartların işçi heyət tərəfindən mənimsənilməsi və tələb olunan sənədlər toplusunun hazırlanması istiqamətində operativ fəaliyyətə başlanmış, qarşıya qoyulan məqsədə nail olunmuşdur.
Keyfiyyət (İSO-9001), eləcə də Əməyin Mühafizəsi və Təhlükəsizliyi (OHSAS 18001) İdarəetmə Sistemləri üzrə hazırlığı vəziyyətini yoxlamaq məqsədilə aprelin 9-da QSC-də 3-cü tərəfin auditinin açılış toplantısı keçirilmişdir.
Toplantıda Türk Standartları İnstitutunun (TSE) Azərbaycan təmsilçisi Hasan Demirtaş, baş auditor Xatirə Salahova, auditorlar: Ahmet Kamal Kızıltan, Hüseyn Gül, Namiq Həsənov, QSC-nin rəhbərliyi, departament, idarə və şöbə rəisləri iştirak etmişlər.
QSC-nin baş direktoru Ramil Əliyev qonaqları səmimi salamlayaraq, QSC-nin ümumi fəaliyyəti və ötən dövr ərzində Beynəlxalq İdarəetmə Sistemlərinin tələblərinə uyğun görülmüş işlər barədə onlara ətraflı məlumat vermiş, auditorlara fəaliyyətlərində uğurlar arzulamışdır.
Toplantıda çıxış edənlər, TSE-nin Azərbaycan təmsilçisi Hasan Demirtaş, baş auditor Xatirə Salahova öncə “Ekol Mühəndislik Xidmətləri” QSC-nin rəhbərliyinə səmimi qəbula görə minnətdarlıqlarını bildirmişlər. TSE nümayəndələri QSC-ni nümunəvi bir şirkət kimi tanıdıqlarını, bundan əvvəlki auditlərin nəticələrinin də kifayət qədər qənaətbəxş olduğunu qeyd etmiş və keçiriləcək hazırkı auditin gözlənilən müsbət nəticələr verəcəyinə əminliklərini bildirmişlər.
Toplantıdan sonra QSC-nin fəaliyyət sahələri üzrə auditin keçirilməsinə başlanmışdır. Xatırladaq ki, aprelin 10-da TSE-nin auditorları tərəfindən QSC-də Keyfiyyət (İSO-9001), eləcə də Əməyin Mühafizəsi və Təhlükəsizliyi (OHSAS 18001) İdarəetmə Sistemləri üzrə keçirilən auditin qapanış toplantısı olacaqdır.
?xml:namespace prefix = o /-->?xml:namespace prefix = o /-->?xml:namespace prefix = o /-->
tarix : 10.04.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
